УИХ-ын гишүүн, УИХ дахь АН-ын бүлгийн гишүүн Л.Мөнхбаясгалан энэ баасан гаригт болох УИХ-ын чуулганд Ерөнхий сайдтай мэтгэлцэхээр болсон талаараа өөрийн цахим хуудастаа бичжээ.
Энэ талаараа тэрбээр “Ерөнхий сайдтай мэтгэлцэхээр боллоо. Энэ баасан гариг буюу аравдугаар сарын 25-нд УИХ-ын нэгдсэн чуулган дээр Ерөнхий сайд Л.Оюун-Эрдэнийн мэдээлэл хийх үеэр Боомтын сэргэлтийн бодлогын хэрэгжилтийн талаар сөрөг хүчнээ төлөөлж 20 мин мэтгэлцэхээр боллоо. Хоёр талын микрофоныг 20 мин турш нээж ярилцах юм байна. Иргэдээс ирсэн асуултыг асуух хүрээнд явагдаж АН-ын бүлгийн гишүүд бас асуулт асуух дэгтэй ажээ” хэмээн мэдээлсэн байна.