Мексикийн Веракрус хотноо эхлэх гэж байгаа Төв Америкийн болон Карибын тэнгисийн улс орнуудын спортын тэмцээн уралдааны өмнөхөн Куба улсаас энэ тэмцээнд ширээний теннисний төрлөөр оролцохоор мэдүүлгээ өгсөн Сандра Мустельер тамирчдын хотхоноос оргожээ. Өдгөө 28 настай тамирчин Куба улс руу буцахгүй гэдгээ өөрийн багийн ахлагчид утсаар мэдэгдсэн байна. Ингэснээр түүний гадаад паспорт нь тэмцээнийг ахалж байгаа төлөөлөгчдөд үлдсэн байна.
Мустельер нь 2006, 2012 онуудад Кубын ширээний теннисний аваргаар тодорч байсан юм байна. Тэрээр өнөөдөр Халапа хотноо эхлэх ширээний теннисний тэмцээнд эх орноо төлөөлөн оролцох ёстой байсан юм. Одоогийн байдлаар Кубын төлөөлөгчид цагдаагийн байгууллагатай хамтран түүнийг эрэн сурвалжлах ажлыг эхлүүлээд байгаа юм байна.