Шадар сайд, УОК-ын дарга С.Амарсайхан КОВАКС хөтөлбөрийн Монгол Улсыг хариуцсан Ахлах менежер Керри Гиинтэй өчигдөр цахимаар хуралдаж, коронавируст халдварын эсрэг вакциныг Монгол Улсад нийлүүлэх талаар мэдээлэл солилцлоо.
КОВАКС хөтөлбөрийн хүрээнд “Файзер” вакцины 25,740 тун, “Астразенека” вакцины 163,200-276,000 тунг вакциныг хүлээж авах бэлтгэл ажлыг хангаж, энэ сарын сүүлээр Монгол руу илгээхээр төлөвлөөд байгаа аж.
ДЭМБ-аас Астразенека вакциныг яаралтай горимд хэрэглэх зөвшөөрлийг өнөөдөр олгосон юм. Ингэснээр ирэх сарын дунд үеэс тус вакциныг манай улс руу оруулж ирэх боломжтой боллоо.