БНХАУ-аас Их Британи руу шууд чиглэлтэй анхны галт тэрэг аж үйлдвэрлэлийн Иву хотоос Лондонд ирснийг сэтгүүлчид, улс төрчид, төрийн албан хаагчид болон бусад албаны төлөөллийнхөн баяр ёслолын байдалтайгаар угтаж авчээ.
Галт тэрэг оймс, хувцас, даавуу, эд хэрэглэл болон бусад гэр ахуйн хэрэглээний дөрвөн сая паундын жинтэй бараа бүтээгдэхүүнийг тээвэрлэн 18 хоногийн турш явахдаа нийт долоон улсын хил давжээ. Угталтын үйл ажиллагаанд хүмүүс хятад лууг илэрхийлэн хувцасласан нь гадаадын сэтгүүлч, зурагчдын анхаарлыг ихээр татсан байна. Их Британи Хятадаас шууд чиглэлтэй галт тэрэг зорчдог болсон Европын 15 дахь хот болж байгаа нь энэ юм.