Хятад улс төлөвлөж байсан нүүрсээр ажилладаг 85 цахилгаан станцын төслөө зогсоожээ.Заримынх нь угсралт эхэлсэн байсан ч зогсоох шийдвэр гаргасан байна. Ирэх таван жилийн төлөвлөгөөнд Бээжин нүүрсээр ажилладаг эрчим хүчний эх үүсвэрийн багтаамжийг 1,100ГВ байхаар төлөвлөсөн бол дээрх шинэ станцуудыг нэмбэл 1,250ГВ болохоор байсан гэнэ. Хятад, АНУ хоёр нь нийлээд манай дэлхийн хүлэмжийн хийн 38 хувийг үйлдвэрлэдэг бөгөөд 2016 онд Парисын Цаг уурын Гэрээнд нэгдсэнээр үүнийгээ бууруулах амлалт авчээ.
Үүнээс өмнө Эрчим Хүчний Захиргаа 2020 он хүртэл 2.5 их наяд юаний ($361 тэрбум) хөрөнгө оруулалтыг сэргээгдэх эрчим хүчний эх үүсвэрүүд байгуулахад зарцуулахаа мэдээлж байсан юм.
Ингэснээр 13 сая ажлын байр шинээр бий болж, салхи, ус, нарны эрчим хүч нийлээд 2020 онд үйлдвэрлэх бүх эрчим хүчний тал хувийг хангахаар болжээ.