Хувиараа такси эрхлэгчдийг өчигдрөөс эхлэн торгож эхэллээ гэсэн мэдээлэл гарч эхэлсэн билээ.
Тэгвэл энэ шийдвэрийг иргэд эсэргүүцэж эхэлсэн. Учир нь амьдралд нийцээгүй дүрэм журам гаргадгаа болих хэрэгтэй. Таксигаар амьдрал ахуйгаа залгуулдаг хүмүүсийг торгуулиар дарамталж, халаасыг нь ухахаа болих хэрэгтэй хэмээн эсэргүүцсэн. Тэгвэл хувиараа таксинд явж буй иргэнийг 100 мянган төгрөгөөр торгох ажлыг Нийслэлийн тээврийн газраас хийж эхэлснийг Засгийн газраас буюу Зам тээврийн, хөгжлийн яамнаас зогсоожээ. Иргэдийн халаас руу гар дүрсэн байдлаар торгууль давамгай хэрэгжүүлэх нь буруу гэж Засгийн газрын тэргүүн үзэж, чиглэл өгсөн тул хувиараа таксинд явж буй иргэдийг торгохгүй байх шийдвэрийг дөнгөж сая гаргалаа.