НҮБ-ын Ерөнхий ассамблейгаас жил бүрийн 12 дугаар сарын 3-ны өдрийг “Хөгжлийн бэрхшээлтэй иргэдийн эрхийг хамгаалах өдөр” болгон тэмдэглэн өнгөрүүлдэг. Монгол Улс хөгжлийн бэрхшээлтэй хүний эрхийн тухай НҮБ-ын конвенцод 2009 оны 5-р сарын 13-ны өдөр нэгдэн орж байжээ. Энэхүү өдрөөр БШУЯ, Боловсролын хүрээлэнгээс “Хүүхэд бүрд тэгш боломж олгоё” уриан доор сонсголын бэрхшээлтэй хүүхдүүдийн 29 дүгээр тусгай сургууль, харааны бэрхшээлтэй хүүхдийн 116 дугаар тусгай сургуулийн сурагчдын гар зураг болон оёмол, шүрэн урлалын бүтээлүүдийн үзэсгэлэнг танилцууллаа.