Олон Улсын Хүүхдийн Спортын 7 дугаар наадам энэ оны 8 сарын 12-17-ны өдрүүдэд Найрамдал Олон Улсын хүүхдийн зусланд болно. Долоо дахь удаагаа болж буй тус наадам 11 төрлөөр зохиогдох юм. Хүүхдийн наадамд Монгол, ОХУ-ын Буриад, БНХАУ-ын ӨМӨЗО-ы 1000 гаруй тамирчид оролцохоор мэдүүлгээ өгөөд байгаа юм. ӨМӨЗО-с хамгийн олон буюу тамирчид, дасгалжуулагчид, төлөөлөгч нийлсэн 187 хүний бүрэлдэхүүнтэй баг ирэхээр урьдчилсан байдлаар мэдүүлгээ өгөөд байна. Харин Буриадаас 67 хүний бүрэлдэхүүнтэй баг хүрэлцэн ирэх юм. Тамирчид зургаан хоногийн турш сагсанбөмбөг, воллейбол, фүтзал, байт харваа, бокс, талбайн теннис, ширээний теннис, жудо, таеквондо, хөнгөн атлетик, чөлөөт бөх гэсэн төрлүүдэд хурд хүч авхаалж самбаагаа сорих юм.