Баян-Өлгийн аймгийн Өлгий хотын гэр хороололд хөө сорогч машин хэрэглэхгийг Мэргэжлийн хяналтын газраас хоригложээ. БНХАУ-д үйлдвэрлэсэн хөө сорогч машин нь байгаль орчин агаарыг ихээр бохирдуулдаг байна. Үүнтэй холбоотойгоор иргэдээс гомдол мэдээлэл ирсэн бөгөөд улмаар холбогдох мэргэжилтнүүд шалгалт хийж хөө сорогч машиныг худалдан борлуулдаг дөрвөн иргэний худалдааны үйл ажиллагааг зогсоосон байна. Харин сүүлийн үед айл өрхүүд яндангаа энэ төрлийн машинаар цэвэрлэж хог хаягдлыг ил задгай хаяж байгаа учир машинуудыг хураан авах хүртэл арга хэмжээ авсан байна.