Халдварт өвчин судлалын үндэсний төв 2021 оны 12-р сарын 01-ний өдөр хүлээлгийн танхимын хэсгийг бүрэн засварлаж ашиглалтад хүлээн авлаа.
ХӨСҮТ нь халдварт өвчний хяналт, урьдчилан сэргийлэлт, тандалт судалгаа, оношлогоо, эмчилгээний асуудлыг үндэсний хэмжээнд удирдан зохион байгуулах, мэргэжил арга зүйн удирдлагаар хангах үүрэг бүхий тусгай мэргэжлийн төв байгууллага юм.
Өмнө нь шинэ болон дахин сэргэж буй халдварын тасаг, Гэдэсний халдварын тасаг, Сүрьеэгийн тандалт судалгааны албаны, Хоол үйлдвэрлэлийн тасгийн дээврийг засварлаж, харин Хоол үйлдвэрлэлийн болон Амбулаторийн тасгийн хүлээлгийн танхимын их засварын ажлыг бүрэн хийж дуусгажээ.
Ард иргэддээ цэвэр, тухтай орчинд үйлчлэх, эмч, эмнэлгийн ажилчдын ажиллах орчин нөхцлийг сайжруулах зорилгоор тус хүлээлгийн танхимын засварыг хийж гүйцэтгэлээ.
