ХӨСҮТ-ийн захирал Д.Нямхүү: 2020 оны дөрөвдүгээр сарын 20-нд нийт 341 хүний шинжилгээ хийсэн. Тандалтын зорилгоор цуглуулсан 11 сорьцод коронавирус илрээгүй. 11 сорьцыг БГД болон Хан-Уул дүүргээс цуглуулсан. ХӨСҮТ тусгаарлагдсан 13 хүний давтан шинжилгээгээр коронавирус илрээгүй. ХӨСҮТ-д өнөөдөр 154 хүний эмчилгээ хийгдэж байна. Өнөөдөр 05.00 цагт “Интермед” эмнэлгээс нэг сорьц авчирсан бөгөөд PCR шинжилгээ хийгдэж байна. Тухайн иргэн нь 69 настай амьсгал нь бачуурсан, хоёр уушгиндаа хатгаатай биеийн байдал нь хүнд гэсэн шинж тэмдэгтэй эмчлүүлж байсан. “Интермед” эмнэлгийнхэн түргэвчилсэн оношлуураар оношилж үзэхэд шинжилгээний хариу эерэг гарсан байна. Иймээс ХӨСҮТ PCR шинжилгээг яг одоо хийж байна. Үдээс хойш шинжилгээний хариу гарна” гэв.