Явган зорчигчийг мөргөж, амь насыг нь хохироогоод хэргийн газраас зугтсан жолоочийг шуурхай баривчилжээ. Сүхбаатар дүүргийн 18 дугаар хороо Дамбадаржаагийн гудамж, “Сайхан ирээдүй” ХХК-ийн зүүн замд марк, улсын дугаар нь тодорхойгүй автомашины жолооч нь явган зорчигч 43 настай эмэгтэйг мөргөж, амь насыг нь хохироогоод хэргийн газраас зугтжээ. Уг хэргийн мөрөөр Сүхбаатар дүүргийн цагдаагийн II хэлтсийн мөрдөн байцаах тасаг, эрүүгийн тасаг Сүхбаатар дүүрэг дэх замын цагдаагийн тасгийн алба хаагчид өндөржүүлсэн бэлэн байдалд ажиллаж, Rush маркийн автомашины жолооч согтууруулах ундааны зүйл хэрэглэсэн үедээ уг хэргийг үйлдсэн болохыг илрүүлсэн байна.
Тиймээс жолооч нарыг зам тээврийн осол гаргасан бол хэргийн газрыг орхин явахгүй, осолд орсон иргэнд яаралтай тусламж үзүүлэх шаардлагатай гэдгийг замын цагдаагийн газраас мэдээлээ.