Сүүлийн үед хууль бусаар нэн ховор ан амьтдыг агнах, тэдгээрийн эд эрхтэнийг бусдад дамлан зарж борлуулах, тээвэрлэх, дамжуулах зэрэг хэрэг их гарч байгаа талаар ЦЕГ-ын Мөрдөн байцаах албаныхан мэдээлж байна. Өнгөрсөн онд гэхэд хулгайн антай холбоотой 50 гаруй хэрэг шүүхээр шийдэгджээ.
Энэ он гарснаас хойш эхний таван сарын байдлаар 50 гаруй хэрэгт эрүүгийн хэрэг үүсгэн шалгаж байгаа талаар эх сурвалж мэдээллээ. Түүнчлэн хулгайн антай холбоотой хэрэг огцом өсч байгаа тухай албаныхан хэлж буй юм. Дархан цаазат газар буюу Хан хэнтийн нуруу, хөвч тайгаас хүрэн баавгай, халиун буга агнах зэрэг хууль бус хэрэг гарсаар байгаа аж.