УИХ-ын чуулганы хуралдаанаар Хөрөнгө оруулалтын тухай хуулийн шинэчилсэн найруулгын төслийн хэлэлцэх эсэх асуудлыг хэлэлцэв. Хуулийн төслийн талаар УИХ-ын гишүүд үг хэлж, байр сууриа илэрхийлэв.
Энэ үеэр УИХ дахь Ардчилсан намын бүлгээс гурав хоногийн завсарлага авах хүсэлт гаргаж буйг УИХ-ын гишүүн Н.Ганибал танилцуулав.
Улмаар УИХ-ын дарга Г.Занданшатар гадаадын шууд хөрөнгө оруулалт чухал ач холбогдолтойг онцлоод УИХ-ын төдийгүй Засгийн газрын гишүүдийн байр суурь зөрүүтэй байгаа учраас хуулийн төслийн хэлэлцүүлгээр ажлын гурав хоногийн завсарлага өгч буйг тайлбарлалаа.