Нийслэлчүүд энэ амралтын өдрүүдэд их цэвэрлэгээ хийж хотынхоо өнгө төрхийг сэргээж байна. НИТХ-ын Ажлын алба, Нийслэлийн Засаг даргын Тамгын газар, Захирагчийн ажлын албаны албан хаагчид өнөөдөр хуваарьт талбай, саадын хогийг цэвэрлэлээ.
Нийслэлийн Засаг даргын Тамгын газрын Хяналт шинжилгээ үнэлгээний хэлтсийн дарга Х.Гантулга хэлэхдээ “Улаанбаатар хотын Ерөнхий менежерийн тушаалаар жил бүрийн хавар нийслэлийнхэн их цэвэрлэгээ хийгддэг. Үүний дагуу нийслэлийн бүх дүүрэг өөр өөрийн захирамж гаргаж, дүүргийн харьяа байгууллагууд дүүргийн нутаг дэвсгэр дэх далан суваг, гэр хороолол, жалга гууны хогийг цэвэрлэж байна. Нийслэлийн Засаг даргын Тамгын газар, Иргэдийн төлөөлөгчдийн хурлын Ажлын албаны албан хаагчид Централ таураас Багшийн дээдийн уулзвар хүртэлх талбай, саадын хогийг цэвэрлэлээ. Захирагчийн ажлын албаны албан хаагчид хонхтой цэцэрлэгийн хогийг цэвэрлэж байна. Нийслэлийн хэмжээнд нийслэлийн нутгийн захиргааны 84 байгууллага цэвэрлэгээнд оролцож байна” гэв.
Үүнээс гадна төрийн бус байгууллагууд мөн их цэвэрлэгээнд оролцож байна. Байгууллагуудын цэвэрлэгээнд оролцож байгаа байдалд иргэний хяналт тавих ажээ.
One reply on “Хотын гудамж талбайг цэвэрлэлээ”
Арматура диаметром 32 мм, изготовленная из стали марки А500С, является одним из самых востребованных видов металлопроката в строительстве. Она применяется при возведении фундаментов, армировании стен и перемычек. https://armatura32.ru