Монгол түмний уламжлалтсар шинийн баярыг тохиолдуулан Ерөнхийлөгч Ц.Элбэгдорж зарлиг гарган салбар бүрт үр бүтээлтэй ажилласан хүмүүсийг төрийн дээд цол, одон, медалиар шагнав. Энэхүү шагналыг сар шинийн битүүний өмнөх өдөр олгосон юм. Энэ өдөрМонгол Улсын хөдөлмөрийн баатар цолтон нэгээр нэмэгдсэн ньЯпон улсын мэргэжлийн сумо бөхийн 69 дэх Их аварга М.Даваажаргал байлаа. Төв аймгийн Бүрэн сумын малчин Б.Батпүрэв, Хэнтий аймгийн Баян-Овоо сумын малчин Д.Дашзэвэг нар гавьяат малчин цол хүртсэн юм. Тэгвэл Аж үйлдвэрийн гавьяат ажилтан цолоор Улаанбаатар Дулааны Сүлжээ ТӨХК-ийн дулааны инженер Н.Лувсангомбо, Баян-Өлгий аймгийн “Аватекс Хайнар” ХХК-ийн ноос угаах үйлдвэрийн зөвлөх инженер Т.Халифа нар шагнуулав. Байгаль орчны гавьяат ажилтан цолоор БОНХЯ-ны ахмад ажилтан Ж.Баатарсүрэн шагнуулсан бол“Алтан дуулга” ХХК-ийн зөвлөх архитектор Г.Лувсандорж, СХД-ийн 32 дугаархорооны иргэн, ахмад хилчин С.Самдандовж,Дархан-Уул аймгийн “Дархан орд харш” ХХК-ийн ерөнхий инженер, ахмад барилгачин Ч.Баатаржав нар гавьяат барилгачин боллоо.
Гавьяат тамирчин цолоор Япон улсын Мэргэжлийн Сумогийн их аварга М.Ананд, Нийслэлийн 18 дугаар сургуулийн зөвлөх багш, уулын спортын ахмад тамирчин С.Заяа нар энгэрээ мялаав.Харин “Монголын Ахмад багш нарын холбоо” ТББ-ын тэргүүн Д.Амар, Хөвсгөл аймгийн Цагаан-Үүр сумын Ерөнхий боловсролын сургуулийн биеийн тамирын ахмад багш С.Батсуурь, Орхон аймгийн Эрдэм ахлах сургуулийн “Уран өд” дугуйлангийн монгол хэл уран зохиолын багш Д.Мандахсан, Нийслэлийн 29 дүгээр тусгай сургуулийн согог зүйч багш Ж.Оюунчимэг, Нийслэлийн хоёрдугаар сургуулийн бага ангийн ахмад багш З.Хишигжаргал нар гавьяат багш болов. Гавьяат дасгалжуулагч цолоор Эрүүл мэндийн яамны Спорт бэлтгэлийн төвийн эрдэм шинжилгээний ажилтан Л.Ням, Орхон аймгийн Эрдэнэт үйлдвэрийн Спорт цогцолборын дасгалжуулагч Ч.Раднаабазар нарыг шагналаа. Соёлын гавьяат зүтгэлтэн цолоор Дундговь аймгийн Алтат цагаан толгой ХХК-ийн дархан Ж.Пүрэвийг, урлагийн гавьяат зүтгэлтэн цолоор Баянмонгол чуулгын удирдаач Б.Нямдоржийг, хүний гавьяат эмч цолоор Архангай аймгийн Өгийнуур сумын Эрүүл мэндийн төвийн их эмч Д.Галбадрахыг, шинжлэх ухааны гавьяат зүтгэлтэн цолоор ШУА-ийн Газарзүйн хүрээлэнгийн салбарын эрхлэгч Д.Базаргүрийг, эрүүлийг хамгаалахын гавьяат ажилтан цолоор Говь-Алтай аймгийн эрүүл мэндийн газрын ахмад ажилтан Д.Гомбосүрэнг, Хөдөлмөрийн гавьяаны улаан тугийн одонгоор Япон улсын Мэргэжлийн сумогийн “Такасаго” дэвжээний бөх Б.Дашням, ХУД-ийн 15 дугаар хорооны иргэн, чөлөөт уран бүтээлч Ц.Төмөрхуяг нарыг тус тус шагналаа. МИАТ ТӨХК-ийн нислэгийн хэлтсийн агаарын хөлгийн дарга Т.Ауезийг Алтангадас одонгоор,Зэвсэгт хүчний ахмад ажилтан,бэлтгэл дэд хурандаа Д.Чойбаатарыг цэргийн гавьяаны одонгоор, Засгийн газрын Төр, засгийн үйлчилгээ эрхлэх газрын үйлчлэгч Ц.Чадраабалыг хөдөлмөрийн хүндэт медалиар, Нийслэлийн Онцгой байдлын газрын Сонгинохайрхан дүүргийн Онцгой байдлын хэлтэст гал түймрийн улсын хяналтын ахлах байцаагч Ж.Хүдэрчулууныг Цэргийн хүндэт медалиар тус тус шагнав. Шагнал гардуулсны дараа Ерөнхийлөгч Ц.Элбэгдорж “Монгол Улсын тусгаар тогтнол, бүрэн эрхт байдлын бэлгэ тэмдэг есөн хөлт Их цагаан сүлдний цэнгэн орших хүндэт өргөөнөөс Монгол зон олон Та бүхнийхээ амар мэндийг айлтган мэндчилье. Золбоо хийморийн бэлгэдэл хөх морин жилийн төвөргөөн алсарч, хотлоор жаргах хонин жил айлчлан ирж байна. XVII жарны модон хонин жилийн босгон дээр эх орныхоо нэрийг даян дэлхийд дуурьсгаж яваа бид бүхний бахархлын эзэн алдар болсон гавьяат тамирчин, мөн хөдөлмөр зүтгэл, бүтээл туурвил, ажил амжилтаараа Монголын түүхийг бичилцэж буй багш, эмч, малчин, барилгачин, эрдэмтэн, архитектор, инженер, хилчин, тамирчин, дасгалжуулагч, удирдаач, дархан зэрэг олон салбарын гавьяат үйлсийн эзэн-иргэд маань төрийн эрхэм дээд цол, одон, медаль хүртэж байна. Япон улсын мэргэжлийн сумо бөхийн дээд зиндааны барилдаанд гучин гурвантаатүрүүлэн, түүхэн шинэ амжилт тогтоосон Дархан аварга Мөнхбатын хүү Даваажаргал Монгол Улсын Хөдөлмөрийн баатар цол хүртэж байна. Монголчууд агуу хүчит аав хүү баатруудтай боллоо. Нүүдэлчин түмнийхээ өв соёлыг уламжлан, хагас зуу гаруй жил мал маллаж, Улсын чанарын аварга, Улсын сайн малчны болзлыг биелүүлэн, найман хүүхдээ мянгат малчин болгож, олон арван айл өрхийг малжуулсан Төв аймгийн Бүрэн сумын Баянцогт багийн малчин Балжингийн Батпүрэв гуай, сумынхаа анхны мянгат малчин, аймгийнхаа анхны хоёр мянгат малчин, улсынхаа анхны гурван мянгат малчин болж, мал маллах арга ухааны гүнд нэвтэрсэн Хэнтий аймгийн Баян-Овоо сумын Дэлгэрхаан багийн малчин Доржийн Дашзэвэг гуай нар Гавьяат малчин цол хүртлээ. Монгол Улсын дархан хилийг хамгаалах, бэхжүүлэх, үндэсний аюулгүй байдлыг хангах үйлсэд ухамсарт амьдралаа бүрэн зориулж, хилийн 8 отряд, 25 застав, 40 гаруй харуулын байр барих ажлыг гардан удирдсан хурандаа Самбуугийн Самдандовжид гуай Гавьяат барилгачин цол хүртэж байна.Билгийн улирлын өлзийтэй сайхан энэ өдрүүдэд олон иргэн маань өөр өөрсдийн гавьяа зүтгэлээ төрөөрөө үнэлүүлж байна. Шагнал хүртсэн иргэддээ, тэдний амжилт бүтээлийн ард байсан бүх хүнд чин сэтгэлийн баяр хүргэе.Монголчууд морин жилийн хатираанд гурван сая дахь иргэнээ угтан авлаа. Бид улам олуулаа болж, Монгол Улс цэцэглэн хөгжиж, даяар Монголын гал голомт өнө мөнхөд мандан бадрахын бэлгэ ерөөл биелэн оршиж байна. Зон олны минь буян өлзий дэлгэрч, үр хүүхэд, өвгөд хөгшидийн маань баяр цэнгэл бялхсан сайхан жил гарч байна. Ирж байгаа хонин жил монгол түмэнд минь ээл ивээлээ хайрлаж улс орны минь урагшлах зам, бүтээх ирээдүй улам өөдрөг байх болтугай. Мөнх хөх тэнгэр Монгол түмнийг минь өнөд ивээг” хэмээн хэлсэн юм.
Гэрэл зургуудыг Ц.МЯГМАРСҮРЭН