Эрчим хүчний сайд Н.Тавинбэх тэргүүтэй албаны хүмүүс Ховд аймгийн Мянгад суманд барьж буй 10 мВт-ын Нарны цахилгаан станцын барилга угсралтын ажилтай танилцав.
Тус станцын бүтээн байгуулалт, барилга угсралтын ажил одоогоор 98 хувьтай үргэлжилж байна. Энэ оны дөрөвдүгээр сард тус станц ашиглалтад орох аж. Ингэснээр Ховд аймгийг цахилгаан эрчим хүчээр бүрэн хангах боломж бүрдэнэ гэж албаныхан үзэж байна.
Мянгад сумынхан өмнө нь хог хаягдлаа төвлөрүүлж, хогийн нэгдсэн цэг байдлаар ашиглаж байсан газрыг сэргээж, ийнхүү томоохон бүтээн байгуулалт хийх санаачилгыг анхлан гаргасан бөгөөд 10 мВт нарны цахилгаан эрчим хүчний станцаа бариад дуусч байгаагаараа онцлогтой. Энэхүү ажлыг Дэлхийн банкны 39.5 тэрбум төгрөгийн хөрөнгө оруулалтаар “Смарт плас” ХХК-тай гэрээ байгуулан гүйцэтгүүлж буй.