Ноён уулыг ашиглах, олборлохтой холбоотой шүүх хуралдаан өнөөдөр захиргааны хэргийн давж заалдах шатны шүүхээр хэлэлцэгдэж талуудыг хэргийн материалыг дахин бүрдүүлэхийг даалгажээ. Хариуцагч тал болох “Сентеррагоулд монголия” ХХК нь өмнөх шүүх хуралдаанаар засгийн газраас зөвшөөрсөн ноён уулыг ашиглах эрхийг барьцаалж европын сэргээн босголт хөгжлийн банкнаас 150 сая доллар авахаар төлөвлөж байсан нь ил болсон юм.
“Ноён уулаа аваръя” ТББ-ын нэхэмжлэлтэй уг асуудлыг өмнөх шатны шүүхээр “Сентеррагоулд монголия” ХХК-ийн ашигт малтмал ашиглах тусгай зөвшөөрлүүдэд холбогдох хэргийн биелэлтийг түдгэлзүүлж шийдвэрлэсэн. Тэгвэл захиргааны хэргийн давж заалдах шатны шүүхээр хэргийн материалын бүрдүүлбэрийг дахин хангахыг даалгалаа. Шүүхээр хэрэг маргааныг эцэслэн шийдвэрлэх хүртэл “Сентеррагоулд монголия” ХХК олборлолтын ажлыг үргэлжлүүлэх эрхгүй юм байна.