Японы мэргэжлийн сумо бөхийн холбооноос энэ жилийн бооцооны нийт үнийн дүн 432 сая иенд хүрснийг мэдэгдсэн. Энэхүү мэдэгдэлтэй холбогдуулж Японы сэтгүүлчид их аварга Хакухо Даваажаргалын хөрөнгө орлогын талаар сонирхох болсон байна. Мөн Япон улс их аваргыг тэрбумтануудынхаа жагсаалтад албан ёсоор оруулсан талаар мэдээлжээ. Японы сэтгүүлчид түүний орлогыг монгол мөнгөн тэмдэгтээр тооцвол 400 гаруй тэрбум төгрөг болно хэмээн зарласан байна.
Мөн ёкозуна Хакухогийн хувийн амьдрал, орлого гээд санхүүтэй холбоотой бүхий л мэдээллийг сайтууддаа байрлуулан “Арлын орон дахь Монголын тэрбумтан” гэсэн нийтлэл гаргажээ. Тус нийтлэлд бичсэнээр, их аваргын амьдардаг байр 150 сая иен буюу монгол мөнгөөр 10 тэрбум 53 сая төгрөгөөр үнэлэгдэх элит орон сууц юм байна.
Их аварга Д.Даваажаргал орлогынхоо тодорхой хэсгийг “Мэргэжлийн сумогийн холбоо”-нд хандивладаг ажээ. Тэрээр цолныхоо эрэмбээр тус холбооноос сард 2750000 орчим иений цалин авдаг. Үүнээс гадна тэрээр Японы томоохон компаниудын сурталчилгаанд онцгой байр суурь эзэлдэг байна.