Нийслэлийн зам засварын ажил энэ жил сургууль, ажил орохтой зэрэгцэж эхэлсэн нь шүүмжлэл дагуулсан. Харин хотын дарга Х.Нямбаатар энэ шүүмжлэлийг тоохгүй зүтгүүлсээр л байна. Угаасаа төсөв мөнгө нь саяхан батлагдсан болохоор ингэж хожуу эхлэхээс өөр аргагүй байсан гэдэг тайлбарыг холбогдох албаныхан өгч байсан. Ингээд хүйтний улирлаас өрсөөд хэдэн замаа янзлаад авъя гээд зүтгэсэн хэрэг. Гэтэл орон нутгийн сонгуулийн сурталчилгаа ид явж байгаа учраас нөгөө нам, эвслүүд нь үүнийг эсрэг байдлаар ашиглаж байх шиг байна.
Тэгэхээр Х.Нямбаатар ингэж балбуулж байхаар өөрийн сонгуулиа бодсон бол энэ жил зам засварын ажлаа хойшлуулах байлаа. Ер нь яаж ч бодсон хувийн ялалтаа бодсон хүн яг сонгуулийн сурталчилгаатай зэрэгцээд зам засвар хийж, иргэдээ бухимдуулаад сууж байх вэ дээ. Үүнийхээ оронд сонгууль өнгөртөл чих амар сууж, өөрийн болоод намынхаа сурталчилгаандаа бүрэн анхаарал хандуулж болох байв. Харин тэгэлгүйгээр хийх ёстой ажлаа амжуулж байгаа нь улаанбаатарчуудаа бодсон хэрэг гэж хүмүүс хэлж байна. Ер нь манайх шиг улсын нийслэлийн даргыг “Бүдүүн зүрх”-тэй, элдвээр хэлүүлж сурсан хүн л хийнэ. Утаа, түгжрэл гээд асуудал нь ямар мундах биш. Тэгэхээр ялсан, ялаагүй хамаагүй хотдоо л ажил хийе. Эвдрэл, цоорхойтой хэсэг замаа засаад авъя. Түгжрэл бага ч гэсэн буурах байх гэсэн байдлаар асуудалд хандаж, сонгууль бус өмнөх ажлаа хийж байгаа Х.Нямбаатарын сэтгэлийг нийслэлчүүд ойлгож байгаа бололтой. Анх зам хааж засвар эхлэхэд түгжрэл нэмлээ, ажил алдууллаа гэх шүүмжлэл хэлж байсан хүмүүс одоо арай өөрөөр хандах болсон байна.
Т.ХӨВСГӨЛ