УИХ-ын Жижиг, дунд үйлдвэрлэлийн хөгжлийн дэд хороо, Аж үйлдвэрийн яам хамтран маргааш “Жижиг дунд үйлдвэрлэгчдийн үндэсний чуулган”-ыг зохион байгуулах гэж байна. Чуулганд 350 орчим үйлдвэрлэгч оролцох гэнэ. Үүнээс гадна төрийн болон төрийн бус байгууллагын200 орчим төлөөлөл оролцох аж. Уг чуулганаар жижиг дунд үйлдвэрийг дэмжих зээлийн бодлого, цаашид хэрэгжүүлэх арга хэмжээ, ЖДҮ-ийг хөгжүүлэх сангаас олгож буй хөнгөлөлттэй зээл, түүний үр дүн зэрэг олон сэдвээр нээлттэй хэлэлцүүлгүүд явагдах юм байна.