Энэ жилийн 100 буудалт даамын УАШТ Ховд аймагт зохион байгуулагдаж, эмэгтэй төрөлд хоёр ихэр тамирчин оролцож нэг, гуравдугаар байрт шалгарчээ.
Тодруулбал, Спортын мастер Баатархүүгийн Анужин 20 оноогоор анх удаа түрүүлж, алтан медаль хүртсэн бол түүний ихэр Дэлхийн даамын холбооны мастер Баатархүүгийн Мөнхжин 19 оноогоор хүрэл медаль хүртсэн байна. Б.Анужин нь 2022 онд УАШТ -ээс хүрэл медаль хүртэж байсан бол Б.Мөнхжин нь 2018 онд 14 насандаа УАШТ-нд аваргалж, 2016, 2019 онуудад хүрэл медаль хүртсэн амжилт гаргаж байжээ.
