Өнөөдөр “Монгол ньюс” мэдээллийн төвд Сэргэлэн интернэйшнл экспедишн ТББ-аас Билгэ хааны захиас бичгийг бүрэн тайлж уншсан талаараа мэдээлэл хийлээ.
Уг төрийн бус байгууллага нь эртний түүх, археологи судлан “Хүн хэл” бичгийг сэргээсэн аж. Энэ ажлын хүрээнд сайн дурын хүмүүсийг хамруулан хоёр удаагийн сургалт явуулжээ.
Сургалтын хүрээнд Архангай аймгийн Хашаат сумын нутагт орших Гол тээхэн буюу Күльтигэнд зориулсан Билгэ хааны их, бага бичээсийг судалсан байна. Бага бичээс 13 хэсэг, Их бичээс нь 53 хэсгээс бүрдсэн Билгэ хааны захиас бичгийг бүрэн тайлж уншжээ.
Сэргэлэн интернэйшнл экспедишн ТББ-ын тэргүүн С.Сэргэлэн “Хүн хэл бичгийг сэргээснээр үгийн марфологийн задралыг судлах, үйл үг, цагийг мэдэх боломжтой боллоо” хэмээн онцлов.
Энэ удаагийн сургалтад ОХУ-аас Наталия Валерьевна Монголова оролцсон багаад цаашид орос хэл дээр уг бичгийн сургалт явуулах боломж нээгджээ. Мөн Сэргэлэн интернэйшнл экспедишн ТББ-аас “Хүн хэл” бичгийг судлахад зориулсан гарын авлагыг хэвлэн гаргажээ.
Э.АМИНАА