700 гаруй хүн тээвэрлэж явсан загас агнуурын усан онгоц газар дундын тэнгист осолдож, одоогоор ердөө 28 хан хүн л аврагдаад буй тухай BBC мэдээллээ.
Тус онгоц нь 20 метрын урттай байсан ба зорчин явсан нийт зорчигчид Ливи улсаас Европын орнуудыг зорьж байсан цагаачид байсан гэжээ. Ядуурал, дайн зэрэг хүнд нөхцөл байдлаас зугтан Европыг зорьж байсан Ливийн тэдгээр иргэдийн тухай НҮБ-ын Дүрвэгсдийн асуудал хариуцсан комиссын мэдээлж буйгаар ойролцоогоор 50 орчим хүн усан онгоцон дээр үлдсэн байх магадлалтай гэжээ.
Мальтийн Ерөнхий сайд Жозеф Мускат аврах ажиллагаа одоо ч үргэлж байгааг мэдэгдээд усан дээр хөвж буй нас барагсдын цогцос дундаас амьд хүмүүсийг эрэн хайх ажиллагааг хийж байгаа гэжээ.