Онцгой байдлын ерөнхий газар, Монголын улаан загалмай нийгэмлэгтэй хамтран энэ сарын 17, 18-ны өдрүүдэд зохион байгуулсан “Гамшгийн эрсдэлийг бууруулахад эмэгтэйчүүдийн оролцоо” сэдэвт үндэсний анхдугаар чуулга уулзалтыг амжилттай зохион байгуулжээ. Чуулга уулзалтаас оролцогч эмэгтэйчүүд Монгол Улсын Засгийн газарт хандан зөвлөмж гаргасан байна. Уг зөвлөмжид гамшгийн эрсдэлийг бууруулах үйл ажиллагаанд эмэгтэйчүүдийн үүрэг, оролцоог хангах, салбар, салбарын эмэгтэйчүүдийн хамтран ажиллах боломжийг тодорхойлох, эмэгтэйчүүдийн оролцоо, манлайллын талаарх сайн туршлага, амжилтын түүхийг хуваалцаж, энэ салбарт тулгамдаж байгаа асуудлыг тодорхойлон шийдвэрлэх арга замыг дэвшүүлсэн аж.

Онцгой байдлын ерөнхий газар, Монголын улаан загалмай нийгэмлэг, Олон Улсын Улаан Загалмай, Улаан Хавирган Сар нийгэмлэгүүдийн холбоо хамтран зохион байгуулж буй “Гамшгийн эрсдэлийг бууруулахад эмэгтэйчүүдийн оролцоо” сэдэвт үндэсний анхдугаар чуулга уулзалт өнөөдөр Төрийн ордонд эхэллээ.

Чуулга уулзалтад 21 аймаг, нийслэлийн 9 дүүргийн төрийн болон төрийн бус байгууллага, бизнесийн болоод олон улсын байгууллага, иргэд, олон нийт, сайн дурын идэвхтэн, хөгжлийн бэрхшээлтэй иргэд зэрэг нийт 100 гаруй төлөөлөл оролцож байгаа юм.

Оролцогчид гамшгийн эрсдэлийг бууруулах үйл ажиллагаа ба эмэгтэйчүүдийн оролцоо, гамшгийн эрсдэлийн тухай ойлголт, уур амьсгалын өөрчлөлт, гамшгийн эрсдэлийг бууруулахад сайн дурын үйл ажиллагаа хэрхэн нөлөөлөх, гамшгийн эрсдэлийг бууруулахад орон нутгийн эмэгтэйчүүдийн оролцоо зэрэг сэдвийн хүрээнд хэлэлцүүлэг явуулж, илтгэл тавина.

Түүнчлэн уг чуулганаар гамшгаас хамгаалах үйл ажиллагаанд олон нийтийн оролцоог дэмжин идэвхжүүлэхэд салбар, салбарын эмэгтэйчүүдийн хамтран ажиллах боломжийг тодорхойлох, гамшгийн эрсдэлийг бууруулах чиглэлээр хэрэгжүүлж байгаа үндэсний болон орон нутгийн түвшинд бодлогын баримт бичиг боловсруулах, хэрэгжүүлэхэд эмэгтэйчүүдийн оролцоог нэмэгдүүлэх, эмэгтэйчүүдийн удирдан чиглүүлж амжилттай хэрэгжүүлсэн гамшгийн эрсдэлийг бууруулах сайн туршлага, амжилтыг хуваалцаж, энэ салбарт тулгамдаж байгаа асуудлыг тодорхойлон шийдвэрлэх арга замыг дэвшүүлсэн зөвлөмж гаргана.

Хүн амын 50,8 хувь нь эмэгтэйчүүд эзлэх манай орны хувьд гамшгийн эрсдэлийг бууруулах үйл ажиллагаанд эмэгтэйчүүдийн үүрэг, оролцоог нэмэгдүүлснээр гамшгийн эрсдэлийг бууруулах талаар дэвшүүлсэн зорилго, зорилтоо хэрэгжүүлэх, тулгамдаж байгаа асуудлыг шийдвэрлэхэд хувь нэмрээ оруулах, аливаа аюул, эрсдэлээс сэргийлэх хандлага, амьдралын зөв хэв маягийг түгээн дэлгэрүүлэх боломж бүрдэх юм гэж Онцгой байдлын ерөнхий газраас мэдээллээ.

Гамшгийн эрсдэлийг бууруулах нь нийгмийн бүх гишүүдийн оролцоо, хамтын ажиллагаатайгаар хэрэгжих тогтвортой хөгжлийн тулгуур асуудал төдийгүй хүний эрхийг хамгаалах, хүйсийн тэгш байдлыг хангах, эмэгтэйчүүдийн оролцоо, манлайллыг бий болгох, гамшгийг тэсвэрлэх чадварыг бэхжүүлэх ач холбогдолтой юм.

Хүн амын 50,8 хувь нь эмэгтэйчүүд эзлэх манай орны хувьд гамшгийн эрсдэлийг бууруулах үйл ажиллагаанд эмэгтэйчүүдийн үүрэг, оролцоог нэмэгдүүлснээр гамшгийн эрсдэлийг бууруулах талаар дэвшүүлсэн зорилго, зорилтоо хэрэгжүүлэх, тулгамдаж байгаа асуудлыг шийдвэрлэхэд хувь нэмрээ оруулах, аливаа аюул, эрсдэлээс сэргийлэх хандлага, амьдралын зөв хэв маягийг түгээн дэлгэрүүлэх боломж бүрдэнэ.

Тиймээс Онцгой байдлын ерөнхий газраас Монголын Улаанзагалмайн нийгэмлэгтэй хамтран “Гамшгийн эрсдэлийг бууруулахад эмэгтэйчүүдийн оролцоо” сэдэвт анхдугаар үндэсний чуулга уулзалтыг энэ сарын 17-18-ны өдрүүдэд зохион байгуулах гэж байна.

Чуулга уулзалтад 21 аймаг, нийслэлийн 9 дүүргийн төрийн болон төрийн бус байгууллага, бизнесийн болоод олон улсын байгууллага, иргэд, олон нийт, сайн дурын идэвхтэн, хөгжлийн бэрхшээлтэй иргэд зэрэг нийт 100 төлөөлөл оролцох бөгөөд гамшгаас хамгаалах үйл ажиллагаанд олон нийтийн оролцоог дэмжин идэвхжүүлэхэд салбар, салбарын эмэгтэйчүүдийн хамтран ажиллах боломжийг тодорхойлох, гамшгийн эрсдэлийг бууруулах чиглэлээр хэрэгжүүлж байгаа үндэсний болон орон нутгийн түвшинд бодлогын баримт бичиг боловсруулах, хэрэгжүүлэхэд эмэгтэйчүүдийн оролцоог нэмэгдүүлэх, эмэгтэйчүүдийн удирдан чиглүүлж амжилттай хэрэгжүүлсэн гамшгийн эрсдэлийг бууруулах сайн туршлага, амжилтыг хуваалцаж, туршлага судлах юм.