Хан-Уул дүүргийн нутаг дэвсгэрт үйл ажиллагаа явуулдаг “Говь” ХК-ийн объектод өчигдөр орой 20 цаг 45 минутад гал гарсан. Гал түймрийг унтраах ажилд Нийслэлийн онцгой байдлын газрын бүх анги байгууллага, Нийслэлийн цагдаагийн газар, Хан-Уул дүүрэг цагдаагийн 1, 2 дугаар хэлтсийн алба хаагчид ажилласан байна.
Гал түймрийн улмаас хүний амь нас, эрүүл мэнд хохироогүй. Мөн байгууллагын эд материалыг алдагдахаас урьдчилан сэргийлэх чиглэлээр Цагдаагийн байгууллагаас хэв журмын хамгаалалтыг зохион байгуулан ажиллаж байгаа аж.