Дөрвөн настай охиноо зодож, улмаар үхэлд хүргэсэн гэх хэрэгт буруутгагдсан төрсөн эцэг Т.Цогт, хойд эх Г.Маралмаа нарыг шүүх хурал өнөөдөр Баянзүрх дүүргийн Эрүүгийн хэргийн анхан шатны шүүхэд болох байсан ч дахин хойшиллоо.
Шүүх хурал хойшлох болсон шалтгаан нь шүүгдэгч Г.Маралмаа улсын өмгөөлөгчөөсөө татгалзаж өмгөөлөгч н.Энхмандахыг авах хүсэлт гаргасан учир энэ сарын 27-ны 10.00 хүртэл хойшлуулжээ.
Уг нь өнгөрсөн сарын 20-нд болох байсан ч шүүгдэгч нар өмгөөлөгч нэмж авсан шалтгаанаар өнөөдрийг хүртэл хойшлуулсан байсан ч ийнхүү дахин хойшиллоо. Шүүгдэгч нарыг дөрвөн настай охин О-г зодож, үхэлд хүргэсэн хэрэгт буруутгаж өмнө нь тэдэнд Нийслэлийн Эрүүгийн хэргийн давж заалдах шатны шүүхээс Эрүүгийн хуулийн 100 дугаар зүйлийн 100.1 дэх хэсэгт зааснаар оноосон 25 жилийн хорих ял оноож, 2 жилийг нь өршөөж, тус бүр 23 жилийн хорих ял оноосон байгаа билээ.