Дэлхийн аварга шалгаруулах тэмцээний эмэгтэйчүүдийн 48 кг-ын жинд өрсөлдөж буй Г.Отгонцэцэг хэсгийн хоёр дахь барилдаанаа Кубын бөх Алварезтэй хийж, вазари үнэлгээгээр ялагдлаа. Харин эхний тойрогтоо хийлж, хоёр дахь барилдаандаа Туркийн тамирчин Кабэ Ахмит Сахиныг ялсан ОУХМ Г.Болдбаатар хэсгийн гурав дахь барилдаандаа Тайванийн бөхийг 02:26 минутанд цэвэр ялж, хэсгийн аваргын төлөө барилдах эрхтэй боллоо.
Харин 2013 оны дэлхийн аварга шалгаруулах тэмцээний мөнгөн медалт, ОУХМ Д.Амартүвшин эхний барилдаанаа 2010 оны Европийн аварга, Францын жүдоч Софианэ Милоустой хийлээ. Хоёр бөхийн барилдаан үндсэн цагт 1, 1 юко үнэлгээ, адилхан 3, 3 торгуультай дуусч, нэмэлт барилдаанд манай бөх торгуулснаар Францын бөхөд харамсалтайгаар ялагдлаа.
