Долдугаар сарын 10-ны өдөр монголчууд шинэ Ерөнхийлөгчөө батламжилж, наадмыг шинэ Ерөнхийлөгч нээлээ. Монгол Улсын тав дахь Ерөнхийлөгчөөр сонгогдсон Халтмаагийн Баттулгын наадмын гоёл энгийн байлаа гэж олон түмэн ам дамжин ярив. Үнэхээр ч тэрбээр ард олонтойгоо ойрхон Ерөнхийлөгч байхыг хүсч буй бололтой Их тэнгэрт нүүж очихгүй, Төв шуудангийн урдах хуучнаар өвлийн ордонд амьдрахаар шийдэж байгаа гэх мэдээлэл цахим орчинд таржээ. Их тэнгэрээс Төрийн ордны зүг явахдаа өглөө бүр түгжрэл үүсгэхгүйн тулд ажилдаа ойрхон газрыг сонгов уу.