БОАЖ-ын сайдын тушаалаар энэ жил улсын хэмжээнд 39.7 мянган га-д ойн цэвэрлэгээ хийхнэ.
Энэ талаар БОАЖЯ-ны Ойн бодлого, зохицуулалтын газрын мэргэжилтэн Р.Ганбатаас тодруулахад, “Ой цэвэрлэхэд шавар намаг, ойн түймэр, хүн хүчний хүрэлцээ дутмаг зэрэг хүндрэл учирдаг. Энэ жил 30 мянган ой цэвэрлэнэ. Ойн тухай хуулиар тухайн бүсэд хийх ойн цэвэрлэгээг орон нутаг хариуцаж ИТХ-аас гаргасан хуваарь, зохион байгуулалтын хүрээнд тухайн орон нутгийн нөхөрлөлүүд орж ажилладаг. Яамны зүгээс зөвхөн мэргэжил, удирдлага, арга зүйн хувьд зөвлөгөө өгч ажилладаг.
-Сүүлийн үед ой цэвэрлэхэд ойн байцаагчаас аваад байгаль хамгаалагч хүртэл ой руугаа орж чадахгүй байдал Богд уулын амуудад үүсээд байна?
-Богд ууланд газрын зөвшөөрөл өгсөн субьект, уул, ой руу орох ам, замыг хааж хашаалсан байгууллага, хувь хүн, ААН аль аль нь Тусгай хамгаалалтын тухай болон Ойн хуулийг дагаж мөрдөх ёстой. Ойд түймэр гарах юм уу, хортон шавьж устгахад ой, уулруугаа орж чадахгүйгээр хашаа, барилга байгууламж барьж, хамгаалалт бий болгосон байгууллага, ААН, хувь хүмүүс, эсвэл зөвшөөрөл өгсөн субьектэд хариуцлага тооцно. Ингэж хориглож хаасан байдлаас үүдэн гарах хүндрэл, учрах хохирлыг ч хуулиар хариуцлага хүлээлгэнэ.
Тодруулга: Цэвэрлэх ойн хэмжээг БОАЖЯ, түүний харъяа Ойн судалгаа, Хөгжлийн төвөөс 10 жилийн давтамжтай хийдэг ойн зохион байгуулалт, судалгааны ажлын үндсэн дээр гаргадаг байна. Манай улсын нийт 2.7 сая га ойн сан бүхий талбайн 70.2 сая шоо метрийг нь унасан болон хатсан модны нөөц бүхий талбай, 40 шахам сая шоо метр нь хатсан буюу ургах чадваргүй болсон мод эзэлдэг байна.