Өнөөдрийн байдлаар 497 хүнийг ажиглалтад авчээ. Өнөөдөр өглөө Истанбул-Москва-Улаанбаатарын нислэгээр ирсэн 129 хүнээс хоёр хүнийг ажиглалтад, нэг хүнийг ХӨСҮТ-д тусгаарлалтад авсан байна. Истанбул-Улаанбаатарын онгоцоор ирсэн 217 хүн ирснээс урьдчилсан байдлаар БНСУ, Япон улсаас ирсэн зургаан хүнийг ажиглалтад авах төлөвтэй үзлэг хийж байна. Мөн Инчоны нисэх буудлаас транзит хийсэн 31 иргэнд үзлэг хийж байгаа аж. Мөн Сэлэнгийн “Алтанбулаг” боомтоор орж ирсэн нэг хүнийг Дархан-Уул аймагт тусгаарлаад ажиглалтад авчээ.