Боловсролын үнэлгээний төвийн Хэвлэлийн мэдээлэл хариуцсан мэргэжилтэн Ө.Төгөлдөрөөс Элсэлтийн ерөнхий шалгалт тойрсон асуудлаар тодрууллаа.
-ЭЕШ эхлэх бэлтгэл хангагдсан уу?
-Элсэлтийн ерөнхий шалгалт зургадугаар сарын 18-нд 10 цагаас Монгол Улсын түүхийн хичээлээр эхэлнэ. Шалгалтын бэлтгэл ажил бүрэн хангагдсан.
-Хэдэн хүүхэд хамрагдах вэ?
-20460 гаруй шалгуулагч ЭЕШ өгөхөөр монгол хэл бичгийн шалгалтдаа тэнцээд байна.
-Шалгалтын байруудхаана байрлаж байгаа вэ?
-Энэ онд төгссөн шалгуулагч төгсч буй сургуулийнхаа харьяалагдах ЭЕШ-ын байранд шалгалт өгнө.Өмнөх онд төгссөн шалгуулагчид бүртгүүлэхдээ өөрийн сонгосон аймаг, (хот)-ын ЭЕШ-ын байранд шалгалт өгнө. Шалгуулагч шалгалтын байранд шалгалт эхлэхээс нэг цагийн өмнө ирсэн байх шаардлагатай. Шалгалт өгөх анги, танхимд 10 минутын өмнө суудлаа эзэлсэн байна. Дурдсан хугацаанаас хожимдсон хүнийг шалгалтад оруулахгүй.Шалгалтын анги танхимд гар утас, тооны машин, таблиц, томъёоны хураангуй, ном, дэвтэр, ноорог цаас, гарын авлага, цаасан болон электрон толь бичиг, компьютер MP3, MР4, таблет, ухаалаг цаг, дуу хураагуур зэрэг бусдад саад болох, хууран мэхлэх зорилготой ямар нэг зүйлийг авч орохыг хориглодог. Баянзүрх дүүргийн шалгалтын байр Баянзүрх дүүргийн VIII хороо, Хилчний гудамжинд байрладагХууль сахиулахын их сургуулийн байр, Чингэлтэй дүүрэгт болКёкүшюу цамхгийн баруун урд талд байрладаг Олон улсын эдийн засаг, бизнесийн дээд сургуульд, Баянзүрх дүүргийн шалгалтын байр Батлан хамгаалахын их сургуульд байрлаж байна. Сүхбаатар дүүргийн шалгалтын байр Гандангийн буудлын хойно байрлах МҮИС, Хан-Уул дүүрэгт Хөдөө аж ахуйн сургуулийн байр, Баянгол дүүргийн шалгалтын байр МУИС-ийн хоёрдугаар байр, Сонгинохайрхан дүүргийн шалгалтын байр СХД-ийн 27 дугаар хороо, Үйлдвэрчний эвлэлийн гудамжинд байрладаг Чингэс Соосэгийн байранд байна. Харин өмнөх оны төгсөгчид Сүхбаатар дүүрэгт байрлах МУБИС-ийн байр, МУИС-ийн VIIбайр,Газарзүй геологийн сургууль, ШУТИС-ийн хоёрдугаар байранд шалгалтаа өгнө.
-Шалгуулагчид ямар бичиг баримт бүрдүүлж ирэх вэ?
-Журамд зааснаар бол:
Шалгалтад орохдоо шалгуулагчид дараах материалыг бүрдүүлсэн байна.
Үүнд:
Бүртгэлийн хуудас
Энэ онд ЕБС төгсч байгаа шалгуулагч сургуулийн захирлаар, өмнөх онд ЕБС төгссөн шалгуулагчид аймаг, дүүргийн ЭЕШ хариуцсан ажилтнаар гарын үсэг зуруулж,тамга тэмдэг даруулж баталгаажуулсан байх
Суудлын хуваарь.(Шалгуулагчид шалгалт өгөх ЭЕШ-ын байр, анги танхим, суудлын хуваарийг www.eec.mnсайтаас өөрийн бүртгэлийн дугаар болон нууц үгийг ашиглан хэвлэн авна).
Бүрэн дунд боловсролын үнэмлэх, түүнээс дээш боловсролын баримт бичиг
Цахим үнэмлэх болон мөн түүнтэй адилтгах баримт бичиг
Цахим үнэмлэх авах насанд хүрээгүй буюу 2015 оны 06 дугаар сарын 1-нээс хойш 16 насанд хүрэх шалгуулагчид сурч буй сургуулийн захирал эсвэл өөрийн оршин сууж буй орон нутгийн Засаг даргын гарын үсэг, тамгаар баталгаажуулсан, сүүлийн гурван сарын дотор авахуулсан өнгөт цээж зурагтай лавлагааг төрсний гэрчилгээний хамт шалгалтад авч ирнэ.
ЭЕШ-д орох эрхийн бичиг (2015 оны тавдугаар сарын 25-наас монгол хэл бичгийн шалгалтад хамрагдаж, 400-гаас дээш оноо авсан энэ жил ЕБС төгссөншалгуулагчид тухайн сургуулийн сургалтын менежерээр дамжуулж ЭЕШ-тад орох эрхийн бичиг авна. Харин 2015 оноос өмнө төгссөн хөдөө орон нутгийн шалгуулагчид тухайн шалгалт өгсөн орон нутгийнхаа БҮТ-ийн ЭЕШ хариуцсанмэргэжилтнээс авах бол Улаанбаатар хотод шалгалт өгсөн шалгуулагчид БҮТ-өөс эрхийн бичгээ авна)
Монгол хэл-бичгийн шалгалтад хамрагдаж 400-аас дээш оноо авсныг гэрчлэх бичиг зэргийг авчирна.
Шалгалтын хуваарь
06 дугаар сарын 18
10:00-11:20 Монгол
улсын түүх
13:00-14:40 Хими
16:00-17:20 Англи хэл
06 дугаар сарын 20
08:30-09:50 Газарзүй
11:30-13:10 Математик
14:30-15:50 Биологи
17:00-18:20 Монгол хэл
06 дугаар сарын 21
08:00-09:40 Физик
11:30-12:50 Нийгмийн тухай мэдлэг
14:20-15:40 Орос хэл
Б.ЭГШИГЛЭН