Эхнэрээ хөнөөгөөд цогцсыг нь машиныхаа тээшинд хийгээд зугтжээ

Сонгинохайрхан дүүргийн XXIV хорооны нутаг дэвсгэр “Хөрс” худалдааны төвийн гадна талын машины зогсоол дээрээс “Тоёото приус” маркийн автомашины тээшинд бусдын гарт амиа алдсан эмэгтэй хүний цогцос олдсон байна. Энэ талаар албаны эх сурвалжаас авсан мэдээллээр Нийслэлийн шуурхай удирдлагын төвд нэгэн иргэнээс “Хөрс” худалдааны төвийн үүдэнд зогсож байгаа цагаан машин цус болчихсон байна. Дээр нь энд хүн байгаа гээд цаасан дээр бичсэн байна” гэсэн мэдээлэл ирсэн гэнэ. Ирсэн дуудлагын дагуу Сонгинохайрхан дүүргийн гуравдугаар хэлтсийн цагдаагийн албан хаагч очсон байна. Хэргийн газарт “Тоёото приус” маркийн автомашины тээшинд 30 орчим насны эмэгтэй хүн бусдын гарт амиа алдсан байдалтай олджээ. Талийгаач эмэгтэйг хэн болохыг тогтоох ажил хийгдэж, Баянзүрх дүүргийн XVIII хороонд оршин суух 27 настай Б болохыг тогтоожээ. Хэргийг Сонгинохайрхан дүүргийн цагдаагийн хэлтэс, Зохион байгуулалттай гэмт хэрэгтэй тэмцэх газар, Мөрдөн байцаах ажиллагаанд дэмжлэг үзүүлэх газрын Онц ноцтой гэмт хэрэгтэй тэмцэх хэлтсийн бие бүрэлдэхүүн шалгасан байна.Хэргийн газарт үзлэг хийсэн шинжээч нарын гаргасан анхан шатны дүгнэлтээр “Талийгаач эмэгтэйг боож амь насыг нь хөнөөсөн. Машины хаалга, тэвш зэрэгт үлдсэн хурууны хээ нь Төв аймгийн Угтаалцайдам сумын харьяат талийгаач Б-ийн нөхөр н.Ганням гэх 27 настай залуугийнх байх магадлалтай” гэсэн урьдчилсан дүгнэлт гаргасан байна. Шинжээч нарын гаргасан урьдчилсан дүгнэлтийн дагуу хэргийг шалгаж байгаа цагдаа наршуурхай арга хэмжээ авч н.Ганнямыг баривчилжээ. Хэргийг мөрдөн шалгаж байгаа цагдаа нар н.Ганнямаас хэргийн талаар байцаалт авчээ. Мөрдөн байцаалтаар тэр “Эхнэртэйгээ муудалцаж хэрэлдсэн. Тэгээд хоолойг нь боочихсон чинь ухаан алдчихсан. Эргэж сэрээх гэсэн боловч сэргээгүй. Эмнэлэг рүү явсан боловч айгаад оруулж чадаагүй. Огт амьсгалахгүй, зүрх нь цохилохгүй байсаар бие нь хөрчихсөн. Тэгээд л машиныхаа тээшинд хийж явж байгаад “Хөрс” захын үүдэнд орхиод явсан” гэх утга бүхий мэдүүлэг өгсөн гэнэ. Н.Ганням эхнэрийнхээ аминд хүрсний дараа дүүргийн болон улсын эмнэлгүүдэд үзүүлэхээр очсон байна. Гэвч эмнэлэг рүү авч оруулж зүрхлээгүй бололтой. Улмаар эхнэрийнхээ цогцсыг нь машиныхаа тээшинд хийгээд хотоос гарахаар явсан аж. Гэсэн ч “Москва” хорооллын ойролцоох “Хөрс” захын үүдэнд машиндаа бүсгүйг орхиод явсан байна. Явахдаа машиныхаа цонхон дээр“Энд хүн байгаа шүү” гэх бичиг нааж орхижээ. Ингээд тэрбээр баруун аймгууд руу явдаг “Драгон” авто вокзал дээрээс Төв аймгийн Жаргалант сум руу явсан байна. Ингээд Жаргалант сумаас танилаа дуудаж, Угтаал цайдам суманд очиж нэг хоноод цагдаа нарт баригдсан гэнэ. Гэхдээ Ганням эхнэрээ боож хөнөөсөн гэдгээөөрөө хүлээж цагдаа нарт мэдэгдсэнгэх мэдээлэл ч байгаа юм.

Гэмт хэрэгтэн хэн байв

Хэрэгт сэжиглэгдэн шалгагдаж байгаа н.Ганням талийгаач Б нар нь Төв аймгийн Угтаалцайдам сумынх юм байна. Тэд тус сумын дунд сургуулийн нэг үед суралцаж байсан аж. Хэдэн жилийн өмнөөс гэр бүл болж хамтран амьдарсан байна. Хүүхэд нь гурван настай гэнэ. Н.Ганням талийгаачБ нар хүүхдээ гарсны дараагэр бүлийн хэрүүлээс болжтусдаа амьдарч байгаад саяхан эргэж нийлжээ. Талийгаач дээд боловсролтой, мэргэжлийнхээ дагуу ажиллаж байсан гэх мэдээлэл байна. Эхнэрээ хөнөөсөн Ганням ч бусдад тусархуу, дөлгөөн зан ааштай нэгэн гэнэ. Гэвч н.Ганнямын түргэн зуурын уурын мунхаг, бодлогогүй үйлдлээс болжгурван настай хүү ньхорвоог ээжгүй туулах боллоо. Сүүлийн үед эхнэр нь нөхрөө хөнөөх, эсвэл нөхөр нь эхнэрийнхээ амь насыг хөнөөх гэмт хэргийн тоо жил бүр нэмэгдэх болсон. Гэр бүлийн хэрүүл тэмцэл, үл ойлголцлоос болж нэг нь амиа алдаж, нөгөөх нь шоронд хоригдож, үр хүүхдүүд нь аав, ээжгүйгээр амьдрах гашуун хувь тавилан угтдаг байдал газар авсаар байна.

Э.Баатар