Хөвсгөл нуурын байгалийн цогцолборт газрын хэмжээнд үйл ажиллагаа явуулж байгаа аж ахуйн нэгжүүд Байгаль орчин аялал жуулчлалын Сайдын 2023 оны хоёрдугаар сарын 28-ны өдрийн “Эрүүл аюулгүй-Цэвэр орчин бүрдүүлэх арга хэмжээний тухай” дөрөвдүгээр албан даалгаврыг сайн хэрэгжүүлж нүхэн жорлон ашиглаж байгаа зөрчлийг арилган нэвчилтгүй бетонон суурь бүхий стандартын шаардлага хангасан сайжруулсан эко жорлон суурилуулах ажлыг зохион байгуулж, ариун цэврийн байгууламжуудаа шинэчилж байна.
Хяналт шалгалтад хамрагдсан 67 аж ахуйн нэгжийн 62 нь нэвчилтгүй бетонон суурь бүхий соруулдаг эко жорлонтой, 3 био, 2 нүхэн жорлонтой байна. Нүхэн жорлонг буулгаж, газар дээр нь зөрчлийг арилгууллаа.
Цаашид жорлон, ариун цэврийн байгууламжуудыг байгальд ээлтэй, дэвшилтэт технологиор шинэчлэх, сайжруулах үйл ажиллагаанд явцын хяналтыг 21 аймагт хийж байна.
