Монголын үндэсний түүхийн музейд “Эгийн голын түүх” нэртэй үзэсгэлэн нээлтээ хийлээ. Энэ үзэсгэлэнд хүн төрөлхтөн үүссэн цагаас эхлэн бүхий л цаг үетэй холбогдох үнэтэй ховор олдворуудыг дэлгэлээ. Нийт 280 гаруй шинэ олдвор тавигдсан байна.
Эгийн голын хөндийд 1992 оноос эхлэн малтлага хийж эхэлсэн байдаг. Сүүлийн хоёр жилийн хугацаанд Эгийн голын хөндийд цогц судалгаа шинжилгээ хийж, 400 гаруй олдвор олсноос хамгийн шилдэг олдворуудыг үзэсгэлэнд дэлгэжээ.