С.Эрдэнэ тэргүүтэй АН-аас өнөөдөр мэдээлэл хийлээ. Өнөөдрийн мэдэээлэлд хэдхэн хоногийн өмнө батлан даалтаар хорих ангиас гарсан Нийслэлийн Ардчилсан намын дарга Э.Бат-Үүл оролцсон юм.
Тэрбээр “АН-ын анхдугаар их хурлын төлөөлөгчиддөө мэндчилгээ дэвшүүлье. 1990 онд Монголын хоёр дахь нам болсон АН Монголын түүхэнд асар чухал үүрэг гүйцэтгэсэн. Зөвлөлтийн колониос Монгол Улсыг чөлөөлөхөд АН манлайлсан.
32 жилийн дараа дахиад аюул, асуудал үүслээ. Украин руу түрэмгийлсэн түрэмгийлэл бол ардчилалд зарласан дайн. Энэ үйл явдлын дараахан Оросын Элчин сайдын зүгээс АН-д хандсан мэдэгдэл нотолно. АН-ыг хоёр дахь Украин шиг үзсэн бүдүүлэг явдал болсон. Бидний өмнө том сорилт байгааг харуулж байна. Зөвлөлийн үеийн колончлолын сэтгэлгээнээс салаагүй хүмүүс цөөнгүй байдаг юм байна. Тиймээс хийх ажил их байна. Колончлолын сэтгэлгээг юу ч үгүй үлдэн хөөх ёстой.
Бид 32 жилийн турш гудамжинд ч, төрийн ордонд ч, шоронд ч ардчилалын төлөө тэмцэж ирсэн. Үйл хэргийнхээ төлөө газрын доороос ч тэмцэж чаддаг нам шүү гэж хэлье” гэлээ.