Өмнөговь аймгийн Цагаан-Овоо сумын Замын шанд нэгдүгээр багийн нутаг “Өнчин зооны энгэр” гэх газар өнгөрөгч шөнө 00:05 цагийн орчимд машиныхаа дугуйг засахаар түр зогсож байсан жолоочийг машинтай нь мөргөж, амь насыг хөнөөсөн хэрэг гарчээ.
Улаанбаатар чиглэлийн автозамд “Toyota allion” маркийн автомашины жолооч П нь зам дээр түр зогсолт хийж машиныхаа дугуйг засаж байсан “Mitsubishi Airtrek” маркийн автомашиныг мөргөн жолооч 49 настай, эрэгтэй Ц-гийн амь насыг хохироосон аж. Хэргийг шалгах ажил үргэлжилж байна.