Тээврийн хэрэгслийн улсын дугаарыг VII сарын 1-нээс эхлэн шинэчлэхээр болжээ. Авто тээврийн үндэсний төв болон Зам тээвэр, хөгжлийн яамны холбогдох мэргэжилтнүүд тээврийн хэрэгслийн улсын дугаарыг олон улсын жишигт нийцүүлэхээр ажиллаж байгаа гэнэ. Автомашины дугааржуулалтыг үсэг, тэмдэглэгээ буюу дөрвөн орон тоо, үсгийг олон улсын стандартад нийцүүлэх зорилгоор MNS 4410:2002 гэсэн стандартыг өнгөрсөн онд баталжээ. Тээврийн хэрэгслийн дугаарын шинэчлэлээр хуучин хэрэглэгдэж байсан дугаарын үсгийг латин 11 үсгийн тэмдэгтэд багтаан өөрчлөх бөгөөд дугаарын хэмжээ, өнгөнд хувьд өөрчлөлт орохгүй. Тээврийн хэрэгслийнхээ дугаарыг солиход одоо хэрэгжиж байгаа улсын дугаар олгох журамд заасан төлбөр хураамжийг авахаас бус бусад нэмэлт төлбөр авахгүй аж.