Маргааш буюу арванхоёрдугаар сарын 14-нд Дэлхийн гоо бүсгүй шалгаруулах 69 дэх удаагийн тэмцээн Их Британи улсын Лондон хотноо болно.
Тэмцээний сүүлийн шатны арга хэмжээг Монгол эх орноо төлөөлөн оролцож буй М.Цэвэлмаагийн танилцуулга бичлэгийн хэсгээр нээхээр болжээ. М.Цэвэлмаа энэ тухайгаа “Дэлхийн миссийн тэмцээнийг эмчийн цагаан нөмрөгөөрөө гоёсон бичлэгээр нээнэ гэдэг маш том нэр төрийн хэрэг” хэмээн цахим хуудаснаа нийтэлсэн байна.
Түүний хүмүүнлэгийн төсөл Монгол улсын түүхэнд анх удаа Дэлхийн мисс тэмцээний “Зорилго бүхий гоо сайхан” номинацийн шилдэг аравт шалгарсан юм.