Ийнхүү томоохон шүүмжлэл өрнөсний дараа уг бүтээлийг олон нийтийн мэдээллийн хэрэгслээр цацахыг хоригложээ.
Зар сурталчилгаанд үзэсгэлэнт бүсгүй Айшвария Рай Баччан үндэснийхээ өмсгөл дээр үнэт эдлэлийг өмсөөд сууж буйгаар дүрсэлжээ. Гэвч түүний нарны халхавчийг хүүхэд барьж зогссон нь олон хүнд таалагдаагүй байна. Түүнчлэн зарц нь гэж харагдахаар өгүүлэмж бүхий уг зурагт хуудаст хар арьст хүүг тоглуулсан нь нийгмийг эмзэглүүлжээ.
Кино одын хэвлэлийн төлөөлөгч “Тэр зөвхөн рекламанд л тоглосон. Сүүлийн дүр зургийг зар сурталчилгааны компани хариуцсан” хэмээх тайлбарыг өгчээ.
Дэлхийн миссээр өргөмжлөгдөж байсан 41 настай жүжигчний тоглосон зурагт хуудас өнгөрсөн долоо хоногт анх өдөр тутмын сонингуудад хэвлэгдэж эхэлсэн юм.
Хүний эрхийг хөндсөн асуудал ноцтойгоор шүүмжлэгдсэн тул реклам гүйцэтгэгч компани олон нийтээс уучлал хүссэн байна.
Өмнө нь үүнтэй ижил төрлийн олон зар сурталчилгааны хуудас арьс өнгөөр ялгаварлах үзлийг дэлгэрүүлсэн хэмээн шүүмжлүүлж байсныг хүргэе.
