Нью-Йорк хотын захирагч Билл де Блазио Холбооны эрх баригчдад хандаж шинээр сонгогдсон Ерөнхийлөгч Дональд Трампын аюулгүй байдлыг хангахад зориулж нэмэлт 35 сая ам.доллар хувиарлах хүсэлт гаргасан байна. Ассошэйтэд прессын мэдээлж байгаагаар хотын дарга энэхүү захидлаа Ерөнхийлөгч Барак Обамад хэмээн хаяглан илгээсэн байна.
Энэ нэмэлт хөрөнгө мөнгө Нью-Йоркийн цагдаагийн ажилтнуудын хэрэгцээг хангахад зориулагдана хэмээн тэрээр мэдээлсэн байна. Мөн Нью-Йоркийн захирагч энэ асуудлаар Сангийн яам, Конгрессын албан ёсны төлөөлөгчидтэй уулзахаар төлөвлөөд байгаагаа мэдэгджээ. Дональд Трампын гэргий түүнийг Ерөнхийлөгчийн тангарагаа өргөсний дараа Вашингтон дахь Цагаан ордон руу нүүхийг хүсээгүй юм.
Тэрээр 10 настай Бэррон хүү нь сургуулиа төгсөх хүртэл Нью-Йоркоос нүүн шилжүүлэхгүйгээ мэдэгдсэн. Тиймээс Нью-Йоркийн эрх баригчид аюулгүй байдлыг нь хангах үүргээ үргэлжлүүлэн хийхэд дээрх хэмжээний хөрөнгө мөнгө хэрэгтэй хэмээн үзэж байна.