УИХ-ын даргад Г.Занданшатарыг томилох асуудлаар санал хураахад гурван гишүүн эсэргүүцсэн санал гарсан. Тодруулбал, Д.Сумъяабазар, О.Баасанхүү, Н.Оюундарь гэсэн гишүүд дэмжээгүй юм.
Г.Занданшатар гишүүнийг ямар учир шалтгааны улмаас дэмжээгүй талаар УИХ-ын гишүүн Д.Сумъяабазараас тодрууллаа. Тэрээр “Би бүлгийн хурал болон Төрийн байгуулалтын байнгын хорооны хурал дээр хүртэл дэмжсэн. Надад дэмжихгүй байх шалтгаан байхгүй. Саяхан таван толгойн IPO гаргах асуудлаар болон ногдол ашиг тараах асуудлаар Ерөнхий сайд мэдэгдэл гаргачихсан байгаа. Үүнийг зохицуулахаар ажиллаж байна. Санал хураах явцад кнопоо дарж амжсангүй. Гадуур ажилтай байсан тул санал өгч чадаагүй” гэсэн тайлбар хэллээ.