Дорнод аймгийн Матад сумын Мэнэн багийн нутаг сумын төвөөс зүүн хойд зүгт 250 км-т орших Хонгорын-Овоо гэдэг газарт хээрийн гал түймэр гарсан тухай дуудлагыг гуравдугаар сарын 27-ны өдрийн 11:10 цагт өгчээ.
Дуудлагын дагуу тус аймгийн Онцгой байдлын газрын Халхгол сум дахь Гал түймэр унтраах, аврах 62 дугаар ангийн алба хаагчид Хилийн 0306 дугаар ангийн алба хаагчид, Матад сумын Засаг даргын Тамгын газрын ажилтнуудтай хамтран 4 цаг 45 минут ажиллаж, 27-ны өдрийн 16:50 цагт хээрийн түймрийг бүрэн унтрааж Матад сумын Цагдаагийн тасагт хүлээлгэн өгсөн байна. Түймэрт урьдчилсан байдлаар хээрийн 3600 га талбай өртөж шатсан гэж ОБЕГ-аас мэдээллээ.
Иймд иргэд, олон нийтэд сэрэмжлүүлэхэд хэдийгээр нутгийн ихэнх хэсэг цасан бүрхүүл бүрэн хайлж амжаагүй байгаа ч зарим газраар цасгүй өвс ихтэй байгаа тул ой, хээрийн гал түймрээс урьдчилан сэргийлэхийг Зүүн бүсийн төв Дорнод аймгийн Онцгой байдлын газраас онцгойлон анхааруулж байна