ЭМЯ-наас мэдээлэл хийж байна. Тус яамны газрын дарга Д.Нарангэрэл, “Өнөөдрийн байдлаар 213 улсад шинэ коронавирусийн халдвар бүртгэгдсэн. Нийт 1.8 сая хүн өвчилж, 1.3 сая хүн эмнэлгийн тусламж үйлчилгээ авч байна. Азийн орнуудаас Японд өнгөрсөн 24 цагийн дотор 500 шинэ тохиолдол бүртгэгдсэн. Эмнэлгээр үйлчлүүлж байгаа хүмүүсийг дагаж ирсэн хүмүүст халдвар тархсан. Иймээс манай иргэд аль болохоор эрүүл мэндийн байгууллагаар үйлчлүүлэхгүй байх, 24 цагийн утсаар зөвлөгөө авах. Шинжилгээ өгөх бол хүүхдээ дагуулан эмнэлэгт 2-3 улаа ирдэг, заримдаа 9 үүлээ ирдэг байдлаа болих хэрэгтэй байна. ОХУ-д өвчлөл нэмэгдэж байна. Өнгөрсөн хоногт 2186 шинэ тохиолдол бүртгэгдэж, 24 хүн нас барсан. Улаан-Үдэд 77 хүн өвчилснөөс 13 нь хүүхэд, Эрхүүд 33 тохиолдол бүртгэгдсэнээс хоёр нь хүүхэд байгаа. Иймд бага насны хүүхэд өвчлөх магадлал өндөр байгаа учраас манай иргэд дэлгүүр хоршоо явах, айлд очихдоо хүүхэд дагуулж явахгүй байхыг анхааруулж байна” гэв.