Үндэсний цэцэрлэгт хүрээлэнгийн өнгө үзэмжийг сайжруулах, зам талбайн орчин тойрон, гадуурхи явган хүний замыг тохижуулах, автомашины зогсоол нэмж гаргах, бичил цэцэрлэгт хүрээлэнгийн иж бүрэн гэрэлтүүлэг хийх ажлыг Үндэсний цэцэрлэгт хүрээлэнгийн 46 га талбайд “Сарангэрэл сан” өөрийн хөрөнгөөр хийж гүйцэтгэхээр болжээ. Энэхүү сан нь Хуульзүйн сайд Д.Дорлигжав охины нэрээр нэрлэгдсэн сан аж.
Түүний охин өнгөрсөн хоёрдугаар сард Туркийн Истанбул хотноо усанд живж нас барьсан билээ. Тиймээс аав нь охиныхоо дурсгалд зориулж, ийнхүү сан байгуулж, томоохон бүтээн байгуулалт хийхээр шийджээ.