Category: соёл-урлаг

Монголын соёл, яруу найргийн академи нь Дэлхийн яруу найргийн өдрүүдийг ирэх сарын 16-22-нд Монгол улсад анх удаа зохион байгуулах гэж байна. Үүнд дэлхийн 50 орны 200 гаруй нэрт яруу найрагч, зохиолч, нийтлэлч, орчуулагч, урлаг соёлын зүтгэлтнүүд оролцох юм.

Тухайлбал, Норвегийн Вангийн яруу найргийн зөвлөх, нэрт яруу найрагч Кнут Өдигард, Испани хэлт яруу найргийн өнөө цагийн сод төлөөлөгч, Нобелийн шагналт Висенти Александрийн шавь Испанийн нэрт яруу найрагч Хусто Хорхе Падрон, Дорно дахины өнөө цагийн соён гэгээрүүлэгч, Франц Кафкагийн шагналт, гүн ухаантан, Тайваны яруу найрагчЮй Си, Казакстан Улсын хөдөлмөрийн баатар, суут яруу найрагч Олжас Сулемейнов болон Израйлын яруу найрагч, профессор, дэлхийн хамгийн урт шилэн гүүрийн загварыг зохиосон дэлхийд алдартай архитектурч Хайм Дотан, Филиппиний соёлын нэрт зүтгэлтэн, Фукуокогийн Азийн соёлын шагналт, нэрт кино найруулагч Кидлэт Тахимик, Аргентины яруу найрагч, нэрт физикч, Нобелийн энх тайвны шагналт Эрнесто Кахан,Европын яруу найргийн Академийн удирдах зөвлөлийн гишүүн, Унгарын поэт лаурет, нэрт яруу найрагчИштван Турцы, АНУ-ын “Чивителла Райнери” сангийн ерөнхий захирал, зураач, соёлын менежер Дана Прескот, Дэлхийн Урлаг соёлын академийн ерөнхийлөгч, Францын яруу найрагч Маурус Ян, Мексикийн яруу найрагч Мария Соберанис, Унгарын Ерөнхий сайдын соёлын зөвлөх, Унгарын Пэн-н ерөнхийлөгч Гиза Чөкс нар ирэхээ мэдэгдсэн байна.

Дэлхийн яруу найргийн өдрүүдийн хүрээнд “Байгалийн оюун санаа ба хүмүүний сэтгэлийн байгаль” хэмээх агуулгын дор Улаанбаатар хотод Дэлхийн яруу найрагчдын 37-р их хурал, Дорноговь аймгийн Хамарын хийдэд “Данзанравжаа олон улсын яруу найргийн наадам” болох аж.

Дэлхийн 50 орны 200 гаруй нэрт яруу найрагч, зохиолч, нийтлэлч, орчуулагч, урлаг соёлын зүтгэлтнүүд оролцох юм.

Данзанравжаа олон улсын яруу найргийн наадам нь цаашид Монголын байгалийн үзэсгэлэнт ба түүх соёлын дурсгалт газар жил бүр уламжлал болон зохион байгуулагдаж Дэлхийд нэртэй уншигчидтай зохиолч, яруу найрагчид Монгол орны тухай төсөөллөө бодит болгож, Монголын түүх, соёл, байгаль, ард түмний тухай шүлэг зохиол бичиж, өөр өөрийн хэлээр нийтлүүлж, Монгол орны байгалийн ба соёлын өвийг олон улсад таниулан сурталчлах өндөр ач холбогдолтой соёлын аялал жуулчлалын арга хэмжээ болно гэж зохион байгуулагчид онцолж байна.

Харин Дэлхийн яруу найрагчдын 37-р их хуралд олон улсад хүлээн зөвшөөрөгдсөн утга зохиол соёлын байгууллагууд болон Дэлхийн Урлаг соёлын академи, Европын яруу найргийн академи, Олон улсын Пен байгууллага, зохиолч уран бүтээлчдийг дэмждэг сан, хэвлэлийн газруудын төлөөлөгч, орчуулагчид оролцож байгаа ньМонголын уран зохиолч, яруу найрагчид олон улсын үзэг нэгтнүүдтэйгээ уулзаж, гадаад харилцаагаа өргөжүүлэх, туршлага солилцох, уран бүтээлээ олон улсад гаргах, дэлхийн оюуны зах зээлд өрсөлдөх ая холбогдолтой гэнэ.

Дашрамд дурдахад, тус арга хэмжээтэй давхцан Монголын уран зохиолын алдар суутнууд болох XIX зууны Монголын суут зохиолч, яруу найрагч В.Инжиннашийн 180, суут яруу найрагч Д.Нацагдоржийн 111, Б.Явуухулангийн 88, Г.Сэр-Одын 100, Ч.Лхамсүрэнгийн 100, Ч.Чимэдийн 90, М.Цэдэндоржийн 85, Д.Гомбожавын 85, Д.Нямсүрэнгийн 70, О.Дашбалбарын 60 насны тэгш ой тохиож буй юм.

Олон улсын амьд хөгжмийн наадам “Playtime-2017” долдугаар сарын 7-ны өдөр болох байсан ч Монгол Улсын Ерөнхийлөгчийн сонгуулийн дахин санал хураалттай давхацсан тул энэ сарын 14-16 өдрүүдэд болж хойшлогджээ. Монголд 16 дахь жилдээ зохион байгуулагдаж байгаа уг наадам жил бүр зохион байгуулагддаг “Монгол шилтгээ”-нд болох бөгөөд наадмын тасалбараа худалдан авсан хүмүүсийн тасалбар хүчинтэй хэвээрээ болохыг зохион байгуулагчдын зүгээс мэдээлж байна.

Б.ОДГЭРЭЛ

Бий биелгээчдийн улсын анхдугаар наадам Ховд аймагт Ард Аюушийн талбайд эхлэх гэж байна.

Уг наадмыг тус аймгийн Засаг даргын Тамгийн газар, Боловсрол,Соёл Шинжлэх ухаан, спортын яам, Боловсрол соёл урлагийн газар хамтран зохион байгуулж байгаа юм.

Бий биелгээний наадмын улсын уралдааныг хамтлаг болон гоцлол, сургуулийн өмнөх насны, зургаагаас 10, 11-14, 15-17 насны ангиллаар зохион байгуулж, “Шилдэг өвлөн уламжлагч”, ”Шилдэг өвлүүлэгч” номинацаар шалгаруулна.
Наадмын үеэр “Баруун монголын бий биелгээ” сэдэвт эрдэм шинжилгээний бага хурал болно. Наадмын эхний шатанд оролцогчид өөрийн угсаатны бий биелгээг үндэсний хөгимтэй бүжих юм байна. Хоёрдугаар шатанд оролцогчид торгууд,захчин, дөрвөд, урианхай, өөлд, мянгад, хошууд, тува, халх, казах зэрэг ястан үндэстний язгуур биелгээгээр оролцохоор болжээ.

МУГЖ Э.Амартүвшин Монголын дуурийн өлгий болсон Италийн Верона хотын задгай тайзнаа дуулна. Тэрбээр ирэх сард Италийн хамгийн эртний алдарт тайз Арена Ди Веронад Ж.Вердийн суут бүтээл “Риголетто” дуурийн Риголеттод дуулах юм байна.

Уг бүтээлийг Италийн шилдэг найруулагчдын нэг Иво Гуэрра найруулан тавьж байгаа бөгөөд Лусса хотын Жиллио театрын уран сайхны удирдагч, БНСУ-ын Тэгү хотын симфони оркестрын ерөнхий удирдаач Жулиан Ковачев удирдах юм байна.

Арена Ди Веронад нийт таван удаа тоглох тус дуурийн эхний хоёр тоглолтод МУГЖ Э.Амартүвшин дуулж нээх аж.

“Үнсгэлжин” буюу Cindrella дуурийг Монголд анх удаа тавих гэж байна. Анх монгол гаралтай дуучин, соёлын менежер С.Аяана энэ санаачилгыг гарган, Итали, Монголын хамтарсан төслийг хоёр жилийн өмнөөс эхлүүлжээ.

Монголыг гадаадад сурталчлах, соёлын салбарт бусад орнуудтай харилцаагаа хөгжүүлэхэд хувь нэмрээ оруулах зорилготой уг төсөлд Европын шилдэг агентлагуудад тооцогддог Италийн шилдэг дуучид, удирдаач, Монголын дуурь, бүжгийн эрдмийн театрын уран бүтээлчид, мөн Испани, Оросын уран бүтээлчид нэгдэн оролцох гэж байна.

Дэлхийд алдартай хөгжмийн удирдаач Якобо Сипари Ди Пескассэроли удирдлага дор “Үнсгэлжин” дуурийг долдугаар сарын 2-ны өдөр ганцхан удаа тоглох ажээ.

Нэрт удирдаач Якобо Сипари Пескассэроли тоглолтын талаар хэлэхдээ “Би Монгол Улсад ирсэндээ маш их баяртай байна. Яагаад гэвэл Монгол Улс бол баатруудын эх орон. Монголын уран бүтээлчид үнэхээр чадварлаг хүмүүс байдаг. Миний гол үүрэг бол тоглолт удирдан явуулах. Гэхдээ би цаашид Монголын энэ их өв соёлыг өөрийн эх орондоо сурталчлахад үргэлж анхаарах болно. Цаг давчуу, бэлтгэл маш богино хугацаанд хийгдэж байгаа ч та бүхэндээ чанартай, сайхан тоглолтыг хүргэх болно” гэж ярилаа.

Энэ хүрээнд Итали, Испани, Монгол, ОХУ зэрэг дөрвөн улсын сонгодог урлагийн одод хамтран ажиллаж байна. Уг төслийг санаачлан зохион байгуулагч, C.Аяана, удирдаач Якопо Сипари Ди Пескассероли, гоцлол дуучин Приэто Игнасио болон ГХЯ-ны гадаад сурталчилгааны соёлын харилцааны газрын захирал Х.Мандахцэцэг, Монгол Улсын соёлын элч Ж.Өнөрмаа нар хэвлэлийн хуралд байлцлаа.

Б.Одгэрэл

Монгол Улсын гавьяат жүжигчин Э.Амартүвшин Италийн Верона хотын 15000 хүний суудалтай, алдарт “Арена Амфитеатр”-т дуулах гэж байна. Тэрбээр өнгөрсөн дөрөвдүгээр сард ОХУ-ын нийслэл Москва хотын Чайковскийн нэрэмжит консерватурын их танхимд Ж.Вердийн “Трубадур” дуурийг концерт хувилбараар дуулсан билээ. Харин үргэлжлүүлэн тавдугаар сард Израйлийн шинэ театрт, Италийн Салерно хотын театрт дуулсан юм.

Энэ удаад тэрбээр 1936 оноос хойш зохион байгуулагдаж буй “Arena di Verona” дуурийн фестивальд зориулан тоглож буй таван дуурийн нэг болох Ж.Вердийн “Риголетто” дуурийн Риголеттогийн дүрд дуулахаар болсон байна.

Зураач яруу найрагч МУСТА Ганзоригийн Мөнхбаатарын “Сувдан хөлс-1” уран бүтээлийн үзэсгэлэнг “Q” арт галлерейд нээлтээ хийлээ. Уг үзэсгэлэн долдугаар сарын 3-ныг хүртэл үргэлжилэх юм байна. Ингээд үзэсгэлэнгийн зургуудаас сонирхуулья.

“MSC media”-гийн бүтээл “Явуулын хүн” уран сайхны кино ОХУ-ын “MIFF Москвагийн олон улсын кино наадам”-ын уралдааны бүсэд шалгарчээ. Тус киноны найруулагчаар Д.Баярсайхан, продюсероор О.Урантуяа нар ажилласан байна. Гол дүрд нь Н.Ялалт, А.Баярцэцэг, А.Алтантөр нар тоглосон аж. Энэ кинонд арав гаруй жил нутагтаа очоогүй залуу аавынхаа бие муу байгааг дуулаад нутгийн зүг жолоо залсан ч оройтжээ. Хөл хөөр ихтэй нутгийн сайхан төрх гундаж, хүн ардын хөл татарч нутаг нь эзэргүйсэн юм. Аавынх нь оронд аав болсон ахыгаа ирэхэд бэр гуйлгана гэсэн дүүгийн итгэл талаар болж, хайртай бүсгүй нь ахад нь сэтгэл алдарсан тухай өгүүлэх ажээ. Энэхүү киногоор залуус унаган нутгаа орхин хот руу нүүдэлчин ахуй соёлыг хэн тээж өвлүүлэх талаар, үрээ хүлээсэн эцэг эх, нөхрөө харуулдсан эхнэр, аавыгаа санах багачуудын талаар өгүүлнэ.

Итали, Монгол улс хоорондын соёл урлаг, сонгодог хөгжим болон сонгодог урлагийг дэмжих, харилцаа холбоо тогтоон хөгжүүлэх зорилгоор Монгол улсын Филармони, Монгол улсын гадаад харилцааны яам, Хилийн чанад дахь Монголчуудын зөвлөл хамтран “Барокко: Итали болон Eврoп” (Grand Galá: Barocco, Italy & Europe”) гала тоглолт 2017 оны 6-р сарын 29 –ний өдөр 18:00 цагт Соёлын Төв Өргөөнд зохион байгуулах гэж байна.

Тоглолт Улсын Филармонийн Симфони найрал хөгжмийн хөгжимчдийг Италидаа төдийгүй дэлxийд алдартай сонгодог xөгжмийн удирдаач Якобо Сипари Ди Пeскассэрoли-гийн xөгжмийн удирдлагын дор зохион байгуулна. Сонгодог урлаг сонирхогч та бүхэн дэлхийд алдартай Испани, Итали, Орос, Монгол 4 улсын шилдэг уран бүтээлчид болон алдарт удирдаачийн бүтээлүүдээс өөрийн орны тайзнаа үзэж сонордохыг хүсвэл энэхүү тоглолтонд хүрэлцэн ирээрэй.

Тоглолтын тасалбарыг Филармонийн касс, www.ticket.mn сайтаас болон 1900-1617 үнэгүй хүргэнэ.
Дэлгэрэнгүй мэдээллийг: 70118012, 70148012, 99196623

“World super model 2017” буюу дэлхийн супер модель шалгаруулах тэмцээн энэ сард хоёр долоо хоног үргэлжилсний эцэст дүнгээ гаргажээ. Тус тэмцээнд 30 гаруй орны шилдэг моделиуд финалын шатанд шалгаран өрсөлдсөн бөгөөд Чех улсын модель тэргүүн байр эзэлж, БНХАУ, Бразил улсын моделиуд хоёр, гуравдугаар байранд шалгарчээ. Харин уг тэмцээнд Монгол улсыг төлөөлөн оролцсон “Гоёл 2017” наадмын шилдэг загвар өмсөгч Д.Долгион тусгай байрын шагнал хүртлээ.
Ингэснээр манай мисс дэлхийн супер модель буюу “World Super Model 2017” тэмцээний олон улсын нүүр царай болж, элч төлөөлөгчийн батламжийг гардан авсан байна. Дашрамд дуулгахад Д.Долгион нь тус тэмцээний турш зохион байгуулагдсан шалгаруулалтуудаас хамгийн олон шалгаруултад тэнцэж загварын шоу болон зураг авалтуудад моделиор уригдан оролцсон аж.