Category: соёл-урлаг

Олон улсын хөөмийн гуравдугаар наадмыг уржигдар Ховд аймгийн төвд амжилттай зохион байгуулжээ. Ховд аймгийн Чандмань сумыг хөөмийн өлгий нутаг хэмээдэг. Энэ ч үүднээс тус аймагт олон улсын хөөмийн наадмыг гуравдахь жилдээ зохион байгуулж байна. Энэ жилийн олон улсын наадамд манайхаас гадна АНУ, ОХУ, Бельги, Герман, Голланд, БНХАУ-ын ӨМӨЗО-ы хөөмийчид оролцжээ. 

Наадмыг гоцлол хөөмий болон хамтлаг гэсэн хоёр төрлөөр, тус бүртээ хоёр үе шаттай зохион байгуулсан аж. 47 хөөмийч гоцлол төрөлд өрсөлдсөнөөс тэргүүн дээд шагналыг Чандмань сумын уугуул, “Эрдэнэт” дуу бүжгийн чуулгын хөөмийч М.Саруултөгс авч,  таван сая төгрөгөөр шагнуулсан байна. Удаах байрт Увс аймгийн хөөмийч Д.Басан, ҮДБЭЧ-ын хөөмийч М.Цогтгэрэл нар шалгарчээ. 11 хамтлаг авьяасаа сорьсноос ардын жүжигчин Ж.Чулууны нэрэмжит Ховд аймгийн Хөгжимт драмын театрын “Жангар”, Чандмань сумын “Хоёр Алтай” хамтлаг тэргүүлж, мөнгөн шагнал хүртжээ. 

Т.Номин

Диснейгээс “Карибын тэнгисийн дээрэмчин” тавдугаар цувралыг 2017 оны долдугаар сарын 7-нд нээлтээ хийх талаар мэдээлэв. Өмнөх мэдээллээр 2016 онд шинэ анги гарна хэмээж байсан ч тус киноны найруулагч Йоахим Роннинг, Эспен Сандберг нар нэг их яарахыг хүсээгүй бололтой.

Карибын тэнгисийн дээрэмчнийг ахмад Жек Спарровгүйгээр төсөөлөх аргагүй. Тиймээс киноны гол дүрд Жонни Деп дахин тоглоно хэмээх таамаглал өндөр байна. Мөн түүний хамт гол дүрүүдэд жүжигчин Кристоф Вальц, Жеффри Раш, Жек Дэвенпорт нар тоглоно гэсэн мэдээлэл байгаа юм.

М.Эрдэнэ

Монголын Урлагийн Зөвлөл (МУЗ), АНУ-ын дахь Монголын Урлагийн Зөвлөл хамтран “Соёл урлагийн залуу манлайлагч” тэтгэлэгт хөтөлбөрийг зургаадах жилдээ зарлаж байна. Нийгмийн ба соёл урлагийн салбарын залуу манлайлагчдын чадавхийг дээшлүүлэх, тэдгээрийн хамтын ажиллагааг өргөжүүлэх замаар соёл урлагийн тогтвортой хөгжлийг дэмжих зорилгоор энэхүү хөтөлбөрийг зарлаж байна.  

Хөтөлбөрийн удирдагчаар АНУ-ын Денвер хотын “Инклюзив Солюшинс” компаний захирал Уолтер Женкинс ажиллаж, урилгаар олон улсын болон Монголын тэргүүлэх профессор ороцоно. 

Салбартаа мэргэжлээрээ 2-оос доошгүй жил үр бүтээлтэй ажилласан туршлага, тэтгэлэгт хөтөлбөрийн үр дүнд олж авсан мэдлэг, туршлагаа хуваалцах чадвартайгаас гадна аливаа байгууллагад харъяалагддаг бол хөтөлбөрт хамрагдах зөвшөөрлийг ажил олгогчоосоо авсан байх ёстой аж.  

М.Ууган

Олон улсын циркчдийн наадмаас эх орноо төлөөлөн оролцсон уран нугараач охид хүрэл медаль, “Саха”-гийн тусгай цом хүртжээ.

Дэлхий дахинаа дахин давтагдашгүй өвөрмөц төрөл хэмээн үнэлэгддэг уран нугаралтын төрлөөр “Circus Mongolia Khadgaa”-ийн уран нугараачид оролцоод ийнхүү эх орныхоо нэрийг олон улсын түвшинд гаргаад иржээ.

Казахстаны нийслэл Астана хот байгуулагдсаны ойд зориулан, жил бүр уламжлал болгон зохион байгуулдаг “Эхо Азии” наадамд манай улсаас гадна орос, хятад, казакстан зэрэг 18 улсын циркчид оролцсон байна.

Манай улс өмнө нь “Эхо Азии” олон улсын циркчдийн наадмаас уран нугаралтын төрөлд алтан медаль хүртэж байжээ.

Ховд аймгийн хөгжимт драмын театр төрийн шагналт хөгжмийн зохиолч Б.Мөнхболд, төрийн шагналт ардын жүжигчин найруулагч Б.Мөнхдорж нарын бүтээл “Галдан бошигт хаан” дуулалт жүжгийг тайзнаа тавьж өчигдөр анхны тоглолтоо хийлээ. 

Зүүнгарын хаант улсын хаан, агуу эх оронч, дипломатч Галдан хааны тухай эл дуулалт жүжиг дөрвөн бүлэг, зургаан үзэгдэлтэй бөгөөд цомнолыг нь МЗЭ-ийн шагналт зохиолч, яруу найрагч Н.Сүхдорж бичжээ. Манай үндэстэн дэлхийн түүхэнд гурван их гүрнийг байгуулсан нь дэлхийн анхны төрт улс Хүннү гүрэн, Чингэс хааны үндэслэн байгуулсан Их Монгол Улс, Зүүнгарын хаант улс юм. “Галдан бошигт хаан” дуулалт жүжигт Зүүнгарын хаант улсын Галдан бошигт хааны төр улсынхаа тусгаар тогтнолын төлөөх тэмцэл, улстөрийн үзэл, амьдралынх нь сүүлчийн он жил, үндэстний эв нэгдлийн тухай өгүүлжээ. Манжийн эсрэг хийсэн түүний сүүлчийн тулаан 1696 онд Туулын хөвөөнд болсон тухай түүхэн баримтыг уншигчид мэднэ. Хүч тэнцвэргүй тулаанд ялагдал хүлээсэн Галдан хаан 1697 онд тэнгэрт хальсан. Галдан хааны туулсан амьдрал, гунигт төгсгөл, их удирдагчийн хувь заяа нь өөрийнх нь  “Хайран газар нутаг минь харийнхны хөлд дарагдах вий. 

Хамаг монгол түмэн минь хагаралдан бутарч зовох буй.

Миний нутгийн газар шорооноос бурхан гуйсан ч бүү өг” хэмээсэн гэрээслэл 

Амьдралд ялагдана гэж үгүй …

Амьдралд ялна гэж үгүй  хэмээсэн ертөнцийг үзэх гүн гүнзгий үзлийнх нь бодит биелэл байсан нь өдгөөгийн бидний үед үлджээ. Эх орон газар шорооныхоо төлөө эцсээ хүртэл тэмцсэн энэ хүчирхэг хааны гайхамшигт түүх, нугараагүй чин зоригийг өгүүлсэн уг дуулалт жүжиг хөндсөн сэдэв, төрөл жанр гээд аль ч талаараа өнөөгийн театрын ертөнцөд маш том орон зайг нөхөж гарч ирж байна. Хөгжмийн зохиолч төрийн шагналт Б.Мөнхболдтой шинэ бүтээлийнх нь анхны тоглолтын үеэр сэтгэгдлийг нь хуваалцахад “Зүүн гарын их хаан, хувилгаан, төр шашны нэрт зүтгэлтэн Галдан Бошигт хааны мэндэлсний 370 жилийн ойг тохиолдуулан энэ сайхан уран бүтээлийн хөгжмийг бичих завшаан надад тохиолоо. Би анх 2006 онд Галдан хааны талаар судалгаа хийж, 2008 онд “Галдан Бошигт хаан” нэртэй дөрвөн ангит симфони бичсэн юм. Мөн 2009 онд “Алтан намар” хөгжмийн наадамд энэ бүтээлээрээ анх оролцож тус наадмын Гран При шагнал хүртэж байсан юм. Тэгээд энэ симфони сюитээ цааш нь үргэлжлүүлж 2013 онд цомог гаргасан. Энэ жил туульсын дуулалт жүжгийн бүтээл болгон баяжууллаа” гэв. Энэ үеэр мөн жүжгийн бүжиг дэглээчээр ажилласан гавьяат жүжигчин А.Даваахүү “Хааны сүр хүчийг магтан дуулсан энэхүү дуулалт жүжигт миний бие тайлагдашгүй түүхийн гэрч болж байгаадаа маш их баяртай байна. Галдан бошигт хааны гал мэт дүрэлзэн асах сүр хүч, эх орон, газар нутаг, эв нэгдлийнхээ  төлөө цогтой тэмцэгч  энэхүү гайхамшигт хааны тухай  уран бүтээлийг оюун санаандаа тунгаан бодож түүхийг үнэн зөвөөр урлагийн хэлбэрээр туурвин тавьж байгаадаа туйлын их баяртай байна” гэсэн юм. Ховд аймгийн хөгжимт драмын театрын урын санд төдийгүй Монголынхоо театр урлагийн өв санд шинээр мэндэлж буй эл дуулалт жүжигт СУИС-ийн тайзны яриа, ур чадварын багш, гавьяат жүжигчин Ч.Чаминчулуун, Ерөнхий зураачаар Ц.Энхтуяа, төслийн удирдагчаар СТА Б.Нямсүрэн  нар ажилласан байна. Дэлхийн түүхнээ монголчуудын гурав дахь хүчирхэг төр улсыг байгуулсан их хаан Галдан бошигтын үнэн түүхийг судлаачид янз бүрээр үздэг бол өнөөг хүртэлх бүх цаг үеийн туршид олон нийтийг хамгийн их мэтгэлцээн өрнүүлж, их түүхээ эргэн сөхөхөд хүргэдэг давтагдашгүй хувь хүн, дэлхийн түүхэн цаг үеийн нэгэн онцгой фигур яах аргагүй Галдан хаан. Жүжгийг түүний мэндэлсний  370 жилийн ойн хүрээнд тайзнаа тавьж буй нь энэ юм. 

Н.ПАГМА      

Монголын язгуур урлаг, соёлын биет бус өв болохИх Аксал бий биелгээний хөшөөг Ховд аймагт босгож байгаа юм байна.Эр хүнийг магтан дуулж биелсэн хамгийн анхны бүжиг хэмээн түүхэнд тэмдэглэгдэн үлдсэн эл биелгээ Монголын язгуур урлагт бүжгийн “Хаан” хэмээн нэрлэгддэг байна.

Иймд монголчуудын биет бус өв соёлыг хамгаалах зорилгоор 4 метр өндөртэй уг хөшөөг Ховд аймгийн Булган сумын уугууд Бийцээгийн Үнэнбат санаачланбосгож байгаа аж. 

Хөшөөнд дүрслэгдэн буй Аксал биелгээ нь том бие галбиртай, Торгууд эр хүний /баатар/ эрхэмсэг чанар, өв тэгш дүр төрх, баатарлаг шийдэмгий дайчин зориг, ухаалаг уужуу сайхан дүр төрхийг бий биелэгийн уран сэтгэмжээр товойлгон гаргасан тайзны бүжгийн сонгодог бүтээл юм.

Энэ нь монголчуудын бахархал, үндэс угсаа, зан заншил, хэл соёл, ахуй,түүхийг өгүүлсэн урлагийн биет бус өвийг харуулсан анхны хөшөө болох юм байна. 

Бийгийн өгүүлэмж:

                    ИХ АГСАЛ

Агсал хул морь нь байдаг

Наян тохой бие нь байдаг

Байдаг байдаг байдаг

Унаган цагтаа уян жороо

Унасан хойноо хурдан жороо

Жороо жороо жороо

Дааган цагтаа даамай жороо

Дам хойноо хурдан жороо

Жороо жороо жороо

Агтны сайн морь нь байдаг

Алтай нутгийн унаган байдаг

Байдаг байдаг байдаг

Есөн эрдэм төгс байдаг

Ерөөл учрал бүрдсэн байдаг

Байдаг байдаг байдаг

Ухаант хүний үр нь байдаг 

Эцгээс заяасан бие нь байдаг

Байдаг байдаг байдаг

Хэвлүүн сайхан бие нь байдаг 

Хээнцэр ганган төрх нь байдаг

Байдаг байдаг байдаг

Өрхөөр гарам нуруу нь байдаг

Өндөр сайхан халбан нь байдаг

Байдаг байдаг байдаг

Хээнчир торгон хийлэн байдаг

Хэлхээ мөнгөн товч нь байдаг

Байдаг байдаг байдаг

Нарийн хар хөмсөг нь байдаг

Мойл хар нүд нь  байдаг

Байдаг байдаг байдаг

Хасын сар дүгрэг царай нь байдаг

Хашийн цагаан шүд нь байдаг

Байдаг байдаг байдаг

Од шиг цэвэрхэн бие нь байдаг

Удам залгах үр нь байдаг

Байдаг байдаг байдаг

“Her precense in colours-XI Love in art” нэртэй олон улсын эмэгтэй зураачдын үзэсгэлэн өнөөдөр нээгдэнэ. Австрали, Хятад, Египет, Герман, ХонгКонг, Япон, Солонгос, Макоу, Малайз, Орос, Сингапур, Тайван, Тайланд, Их Британи, Вьетнам зэрэг 20 орны 100, Монголын 24 уран бүтээлч оролцох үзэсгэлэнгийн албан ёсны нээлт энэ сарын  21 буюу ирэх даваа гаригийн 17.00 цагт Уран зургийн галерейд болно. Хоёр жил тутамд болдог үзэсгэлэнд оролцогч уран бүтээлчид өөрийн бүтээлээ танилцуулахаас гадна өөрийн орны хөгжил, ирээдүй ба түүх, өөрсдийн бодол санаа төдийгүй дэлхий нийтийн эерэг хөгжилд зураач эмэгтэйчүүдийн оруулж чадах хувь нэмрийг эргэцүүлсэн маш сонирхолтой семинаруудыг зохион байгуулж, илтгэлүүдийг танилцуулдаг аж. Уг семинар энэ сарын 25-нд болох аж.

Монгол Улсын нийслэл Улаанбаатар хот байгуулагдсаны 375 жилийн ойн хөтөлбөрийн хүрээнд “PLAYTIME-2014” амьд хөгжмийн наадам “Найрсаг Улаанбаатар биднээс эхэлнэ!” уриан дор энэ сарын 19, 20-нд Монгол Шилтгээнд болно. “PLAYTIME-2014” наадмын хүрээнд Амеркийн “The Pains of Being Pure at Heart”, ОХУ-ын “Мумий Тролль”, Японы “Envy” зэрэг дэлхийн алдарт амьд хөгжмийн хамтлагууд болон Монголын “Хонх”, “Нисванис”, “The Lemons”, “Моханик”, “The Colors”, “Vatame”, “The Compass”, “Rec On” зэрэг шинэ, шилдэг 40 гаруй хамтлаг дуучид, DJ оролцож, өөрсдийн уран бүтээлээ толилуулах юм.

Наадмын тоглолтуудын дэлгэрэнгүйг хүргэж байна.

15.30 – 16.00    Солонго хамтлаг	14.00 – 14.30    Шугам
16.00 – 16.40    Kush & Oyuka	14.30 – 15.10    Berd
16.40 – 17.20    Аадар	15.10 – 15.50    Silent Scream
17.20 – 18.00    Lego	15.50 – 16.30    Motorway
18.00 – 18.40    The Compass	16.30 – 17.00    White Shadow
18.40 – 19.20    The Colors	17.00 – 17.40    One Way
19.20 – 20.00    Marquis On The Radio	17.40 – 18.20    Чойжоо
20.00 – 20.40    The Lemons	18.20 – 19.00    Vatame
20.40 – 21.20    Нисванис	19.00 – 19.40    Оршихуй
21.20 – 22.00    Хонх хамтлаг	19.40 – 20.20    Rec On
22.10 – 23.10    Envy (Japan)	20.20 – 21.00    Jokers Wild (Pink Floyd Tribute)
23.20 –  00.50    Peter Hook And The Light (UK)	21.00 – 21.50    Моханик
	22.00 – 22.50    Мумий Тролль (Russia)
Music (during intervals)
15.30 – 17.00  Smooth Operator	13.50 – 16.00    Leather Nation
17.00 – 19.00  Leather Nation	16.00 – 18.00    Metallium
19.00 – 21.00  Hi-Fi Team	18.00 – 20.00    Hi-Fi Team
21.00 – 22.30  Metallium	20.00 – 22.00    Smooth Operator
ДАВАЛГАА ТАЙЗ
11.00 – 11.20    El Cid	10.10 – 10.30    The Vibes
11.20 – 11.40    Strings	10.30 – 10.50    MonHax
11.40 – 12.10    Sakobs	10.50 – 11.10    Linked
12.10 – 12.40    The Electrics	11.10 – 11.40    Purgatory Destroyers
12.40 – 13.20    Sunderia	11.40 – 12.20    Аясын Салхи
13.20 – 13.50    The Y.O	12.20 – 12.50    The Tourists
13.50 – 14.20    Tangled Wires (USA)	12.50 – 13.20    Amphibian Sphere
14.20 – 14.50    Futurama	13.20 – 13.50    Return (USA)
14.50 – 15.20    Atlantics
DJ Sets
16.00 – 18.00    Hi- FI Team	14.00 – 16.00   Hi & Lo
18.00 – 20.00    Big Up !	16.00 – 18.00   Big Up!
20.00 – 22.00    Discotheque	18.00 –  20.00   Smooth Operator
22.00 – 01.00    Smooth Operator	20.00 – 22.00   Discotheque
01.00 – 03.00    Leather Nation
НААГЛИХАЦ ТАЙЗ
12.00 – 14.00   DJ Maara	12.00 – 14.00   DJ Maara
14.00 – 16.00   DJ Эрхэм	14.00 – 16.00   D Join Event
16.00 – 18.00   Hi & Lo	16.00 – 18.00   Aural Projects
18.00 – 20.00   D Join Event	18.00 – 20.00   DJ Эрхэм
20.00 – 22.00   Aural Projects	20.00 – 22.00   Deep Music Freakz
22.00 – 00.00   Deep Music Freakz

Өнгөрсөн оны 11 дүгээр сард автомашины ослоор амиа алдсан жүжиг­чин Пол Уолкэрийн сүүлийн ярилц­лагыг та бүхэнд сонирхуулж байна. Дөнгөж 40 насандаа хорвоог орхисон тэрээр жүжигчин төдий­гүй хүнийхээ хувьд ч тун үлгэр жишээ нэгэн байсан гэдэг. Пол нас барахаасаа өмнө хэд хэдэн киноны зураг авалтыг дуусгаад байсны нэг нь энэ оны дөрөвдүгээр сард нээлтээ хийсэн Brick Mansions юм.

-Удахгүй үзэгчдийн дур­тай Галзуу Хурд киноны 7-р анги гарах гэж байна? Кино маань цааш үргэлжлээд олон анги гарах уу?

-Магадгүй ээ. Бид нар хоорондоо наргиа болгож Галзуу Хурд-ын 66-р анги дээр ингэнэ шүү, тэгнэ шүү гээд л хөгжилдөж ярьдаг юм. Цаашаа үргэлжлэхийг үгүйсгэхгүй л байна.

-Охиныхоо талаар яриач. Аав байх ямар байна?

-Охин маань надтай хамт амьдарч байгаа. Бид хамтдаа хооллоно, цагийг зугаатай өнгөрөөнө. Охины маань най­зууд Хавайгаас ирж, бид хамтдаа зоогийн газарт хооллосон. Үнэхээр сайхан байсан шүү.

-Та охиныхоо нэрийг гар дээрээ шивүүлсэн хараг­дана. Хаа явсан газраа нэрийг нь хараад охиноо санаж байх нь. Таныг өсвөр насны охинтой хүн гэж итгэхийн аргагүй.

-Охин маань одоо яг л шилжилтийн насандаа яваа. Надтай хамт байгаад нь би үнэхээр их баярладаг. Сайн ч охин. Хамтдаа бид олон зүйлийн талаар ярилцдаг. Тухайлбал, миний ажиллаж байгаа кино төслүүдийн талаар ч юмуу. Энэ кинонд тоглох уу яах уу гээд бид хоорондоо ярилцдаг. Ганц хоёр жилийн дараагаас эхлээд үеийнхээ хөвгүүдтэй болзож эхлэх байх. Тийм болохоор би охинтойгоо аль болох хамт байхыг хичээдэг. 

-Brick Mansions кинонд та саяхан тоглолоо. Ямар байв?

-Гэмт хэрэгтнүүдийн араас хөөцөлдсөн цагдаа нар, машин, охид, буу зэвсэг гээд л тулаант төрлийн кинонд байдаг бүхэн энд гарна. Гэхдээ энэ кино утга агуулгын хувьд улс төрийн гэхээр асуудлыг илүү хөндсөн. Би кино зохиолоо уншаад л шууд тоглох ёстойгоо ойлгосон. Дээврээс үсэрч буугаад, машинаар уралдах зэрэг хэсгүүд нь надад тун ойр байсан. 

-Найруулагчийнхаа талаар яривал?

-Тэр үнэхээр шаргуу, хөдөлмөрч бас бүтээлч хүн. Ямар нэг зодоон тулааны хэсгийн зургийг аваад бүгд л сайхан боллоо гэж байхад тэр ганцаараа дахиад зургийг нь авах хэрэгтэй гэж хэлдэг. Тийм л шаардлага өндөртэй хүн дээ. 

-Энэ киноноос хамгийн их таалагдсан зүйл гэвэл?

-Хамтран тоглогч Францын жүжигчин Дэвид Бэлл надад их таалагдсан. Би өмнөх киног нь үзчихээд “Энэ залуу ч ёстой нэг болгож тавьдаг юм байна” гэж бодсон. Тиймээс түүнтэй хамтрахад үнэхээр сайхан байлаа.

Кино зураг авалтынхаа үеэр өгсөн энэ ярилцлага түүний хамгийн сүүлчийн ярилцлагуудын нэг байсан бөгөөд нас барснаас нь хойш тус кинонд хамтран ажилласан багийнхан нь түүнийг үнэхээр их үгүйлж байгаагаа хэлжээ. Тэдний нэг хамтран тоглосон, хип хоп дуучин RZA юм.

-Сонин юу байна даа?

-Сайн, баярлалаа. Гэхдээ заримдаа гэнэт л Полын тухай бодож, бидэнтэй хамт байхгүй байгаад нь харамсах юм. Бид энэ кинонд хамтарч тоглоод ямар сайхан байлаа. Даанч хийсэн бүтээсэн бүхнийг нь ярьж байгаа тэр хүн хамтдаа байхгүй бол ямар хэцүү байдгийг одоо л ухаарч байна.

-Полтой ажиллахад ямар байсан бэ? Юуг нь чи их дурсаж байна?

-Тэр үнэхээр эрч хүчтэй хүн байсан. Хүн бүхэнд инээмсэглэл бэлэглэдэг тийм л хүн. Полтой төдийгүй түүний хамтрагч нартай танилцсан нь миний хувьд азтай завшаан. Бүгд тун сайн залуус. 

-Энэ киног Францын District B13 киноноос санаа авч хийсэн. Өмнө хийсэн бүтээлийг Америк хөрсөнд буулгахад ямар байв?

-Энэ киног болж өгвөл бүтээсэн хоёр төрлийг хоёуланг нь кино цуглуулгандаа байлгахад гэмгүй. Үзэгчдэд таалагдах нь гарцаагүй.

Brick Mansions (Warner Bros Pictures)

2018 он Дэтройт хот. Цагийн сайханд орон сууц байсан барилга байшин өдгөө хамгийн аюултай гэмт хэрэгтнүүдийн орогнох байр болжээ. Гэмт хэргийг хянаж чадахаа байсан цагдаагийнхан хотын бусад хэсгийг хамгаалахын тулд энэ хэсгийг тойруулан хана босгожээ. Өмнө ял эдэлж байсан Lino-гийн найз бүсгүйг хар тамхины наймаачин Tremaine барьцаалснаар зүсээ хувиргасан цагдаа Damien-ий тусламжийг авахаас аргагүйд хүрнэ.

We Bought a Zoo (20th Century Fox)

Бэлэвсрээд удаагүй байгаа Benjamin амьдралаа шинээр эхлэхийн тулд шинэ байшин худалдан авахаар шийднэ. Охинтойгоо хэд хэдэн байшин үзсэн боловч санаанд нь таарах байшин олдсонгүй. Эцэст нь хуучны нэгэн байшин олсон нь олон жилийн өмнө ажиллаж байгаад хаагдсан амьтны хүрээлэнтэй байв. Охинд нь энэ байшин таалагдаж байсан ч өсвөр насны хүүд нь таалагдсангүй. Гэсэн ч тэд байшинг худалдан авч амьтны хүрээлэнг дахин нээдэг.

Howling  (CJ Entertainment)

Гуяндаа нохойд хазуулсан хохирогчдын цогцос ар араасаа олдож эхлэв. Ямар ч хурууны хээ үлдээдэггүй гэмт хэрэгтнийг олохоор мөрдөгч Sang-gil, Eun-young нар эрлээ эхэлнэ. Гарсан хэргүүд дэндүү ээдрээтэй, сэжүүр гэх зүйлгүй тул мөрдөгч нар дээд удирдлагадаа тайлагналгүйгээр өөрсдийн арга барилаар хэргийг мөрдөхөөр болно. Зэрлэг балмад хэрэг үйлдсэн гэмт хэрэгтнийг тэд барьж чадах болов уу?

Эдгээр киног монгол дуу оруулалттайгаар Юнивишний Hollywood Box-оос хүлээн авч үзээрэй.

Их Монгол Улс байгуулагдсаны 808 жилийн ой, Ардын хувьсгалын 93 жилийн ой, Үндэсний их баяр наадмаар буюу 2014 оны долоодугаар сарын 5-наас 13-ны хооронд Үндэсний цэцэрлэгт хүрээлэнд “Улаанбаатар уран баримал 2014” үзэсгэлэн гарсан билээ. Уг үзэсгэлэнгийн үеэр хүрдэн дээр ваар эргүүлэх, цаасан наалтын үзүүлбэр, хүүхдүүдийн гар хөлийн хээгээр дурсгалын баримал хийх, хөрөг зурах зэрэг олон сонирхолтой үзүүлбэрийг иргэд сонирхсон. Өнөөдөр “Улаанбаатар уран баримал -2014” наадмын хүрээнд Үндэсний цэцэрлэгт хүрээлэнд баригдсан 30 уран баримлаас шилдгийн шилдэгийг шалгаруулах ёслолын ажиллагаа, урлагийн тоглолт болох аж. Уг тоглолт  өнөөдөр орой 18.00 цагаас Үндэсний цэцэрлэгт хүрээлэнд болно.