“TV Cocktail” хамтлагийн шинэ уран бүтээл “Омарын Эрэлд” адал явдалт уран сайхны киноны нээлт Тэнгис кино театрын гадаа талбайд болов. Уг киноны нээлтийн үеэр “ТВ коктейль” хамтлагийн жүжигчин Э.Цолмонбаяр ССАЖ-ын сайдын тушаалаар Монгол Улсын “Соёлын Тэргүүний Ажилтан” хэмээх цол тэмдэгээр энгэрээ мялаалаа.
Тус кино нь тус хамтлагийн дөрөв дэх дэлгэцийн уран бүтээл юм.
Хошин урлагийн шилдгийн шилдгүүд хуран чуулсан намар цагийн нэгдсэн шоу тоглолт энэ сарын 09-ны 19:30 цагт “UB Palace”-ийн концертын их танхимд тоглогдохоор товоо зарласан билээ. Тус тоглолтын зар реклам цацагдсан даруйд л зохион байгуулагчдын утаснууд тасралтгүй тачигнаж, үзэгчид гоё суудлуудаа асууж, сураглан хэдийнэ тасалбараа авч эхэлсэн. Харин тус тоглолтыг үзэхийг хүссэн олон зуун үзэгчид тасалбараа үнэгүй хүргүүлмээр байна гэсэн хүсэлтийн дагуу, зохион байгуулагчдын зүгээс тасалбарын борлуулалт өндөр байгаа ч гэсэн хошин урлагт хайртай үзэгчдээ хүндэтгэж ганцхан өнөөдөр тасалбарыг үнэгүй хүргэхээр болжээ.
Ийнхүү үзэгчдийн хүлээлтийг хэдийнэ үүсгээд буй хошин урлагийн нэгдсэн тоглолтонд “Шинэ үе” продакшн, “Шилдэг өнгө” продакшн, “Х Түц” продакшн, “Мөрөөдлийн театр”, “Эмоци” продакшн, “Чапи & Суурь”, “Параоди” хамтлаг нар бүрэн бүрэлдэхүүнээрээ оролцож, хошин урлагт хайртай үзэгч түмэнтэйгээ нэгэн оройг инээд хөөрөөр дүүрэн өнгөрүүлэх юм. Түүнчлэн шоу тоглолтын хөтлөгчөөр “Захиалгат инээд” хамтлагийн авьяаслаг уран бүтээлчид оролцох бөгөөд урилгаар олны хайр, хүндэтгэлийг хүлээсэн дуучид оролцож дуу хуураа өргөн барих гэнэ.
Энэ дашрамд дуулгахад тоглолтын тасалбар хэдийнэ худалдаанд гарсан бөгөөд “UB Palace”-ийн кассаар болон Нарантуул зах, Хархорин захын төв хаалган дээр 15, 20 мянган төгрөгийн үнэтэй борлуулагдаж байгаа юм. Түүнчлэн та бүхэн зохион байгуулагчдын 91937777, 91777888 дугаараас илүү дэлгэрэнгүй мэдээллийг авч, тасалбараа захиалан үнэгүй хүргүүлээрэй.
Монголын хошин урлагийнхан 20 гаруй жилийн түүхнээ 46000 гаруй удаа тайзнаа тоглож, 26 сая гаруй хүнд инээд бэлэглэж, 300 орчим удаа хандивын тоглолт зохион байгуулж үзэгч түмэндээ инээд хөөр, баяр баясал, аз жаргалыг бэлэглэжээ.
“Интерном” номын их дэлгүүрт өнөөдөр англи хэл дээр бичигдэн гарч буй “Богино өгүүлэгийн цуврал” номын нээлт 14.00 цагт болох гэж байна. Энэхүү номуудыг “Talk Talk English”, “Kennedy Cooper Publishing”-аас эмхэтгэн гаргаж байгаа юм байна.
Уг цувралд “Anumal Tales”, “Silent night”, “The Lighthouse” зэрэг 10 богин хэмжээний өгүүллэг багтжээ.
Улсын драмын эрдмийн театрын түүхэн жүжгийн сар өнөөдөр эхэлнэ. Драмын театрын хамт олон жилийн бүрийн арваннэгдүгээр сарыг түүхэн жүжгийн сар болгож тэмдэглэн өнгөрүүлсээр багагүй хугацааг өнгөрүүлжээ. Энэ удаагийн түүхэн жүжгийн сарыг өнөөдөр 18.00 цагаас тайзнаа Б.Цогнэмэхийн зохиол, Төрийн Соёрхолт Н.Наранбаатарын найруулга “Тэнгэрийн хүү” жүжиг эхлүүлэх юм.Энэхүү жүжиг энэ сарын 21, 23-нд 18.00 цагт, 22, 29, 30-ны 17.00 цагаас тус тус тоглогдох ажээ.
Нийслэлийн Засаг даргын санаачилга, НЗДТГ-ын дэмжлэгтэйгээр алдарт “Цөмөөхэй” бүжгэн жүжиг арванхоёрдугаар сард Улаанбаатар хотод тоглогдох гэж байна. Энэхүү бүжгэн жүжгийг “Бостон балет” компанийн гоцлооч, гавьяат жүжигчин Д.Алтанхуяг шинэчлэн эх орныхоо тайзнаа амилуулахаар болжээ. МУГЖ Д.Алтанхуяг Бостон хотоос холбогдож арванхоёрдугаар сарын 24-нөөс 29-ны хооронд тоглогдох “Цөмөөхэй” бүжгэн жүжгийн талаар товч мэдээлэл өглөө.
Тоглолтонд ОХУ, Япон улсын бүжигчдээс гадна ДБЭТеатрын балет анги бүрэн бүрэлдэхүүнээрээ, ХБКоллеж болон СУИС-ийн Бүжгийн сургуулийн оюутан сурагчид оролцон тоглоно. Мөн тоглолтын нэг онцлог нь бүжгийн урлагаар хичээллэдэг болон сонирхдог хүсэл эрмэлзэлтэй 8-15 насны 200 гаруй хүүхэд багачуудыг хамруулан тоглуулах юм. Энэ нь хүүхдэд бага насны нандин дурсамж үлдээх төдийгүй сонгодог урлагийн сайхныг мэдэрч өөрийгөө нээх боломж олгож байгаа юм. Шалгарсан хүүхдүүд Хөгжим бүжгийн Коллежийн балетын ангийн хүүхдүүд, Бүжгийн Их Сургууль, Дуурь Бүжгийн Эрдмийн Театр, ОХУ , Япон гэх мэт орнууд мэргэжлийн бүжгэн жүжигчидтэй хамтран нэгэн тайзан дээр мэргэжлийн симфони найрал хөгжимтэй бүжих болно. Бүртгэлийн ажил энэ сарын 10-ны өдрөөс 19-ны хооронд явагдах ажээ. Оролцох хүүхдүүд бүжиглэх жүжиглэх, дур сонрхолтой, тайзан дээр гарах чин хүсэл эрмэлзэлтэй байх шаардлагатай. Сонгон шалгаруулалт арваннэгдүгээр сарын 22, 23-ний 10 цагт Хөгжим бүжгийн Коллеж дээр болно. Хүүхдүүдээс мэргэжлийн ур чадвар шаардахгүй учраас эцэг эхчүүдийг хүүхдүүдээ идэвхтэй оролцуулан шинэ жилийг сонирхолтой шинэлэг байдлаар гэр бүлээрээ өнгөрүүлэхийг урьж байна.
“Цөмөөхэй” балетын жүжгийг Монголчууддаа жил бүр уламжлал болгон сонирхуулах, хүчилж биш хүслээр нь хүүхдээ дагуулж, сонгодог урлагийн сайхныг мэдрэх боломжийг олгохын тулд энэ удаагийн тоглолтын онцлог оршино. ДБЭТеатрт 1983 онд анх “Шелкунчик” бүжгэн жүжиг тавигдаж байсан бөгөөд энэ удаагийн тоглолтоороо шинэчилсэн найруулага, хореграфтай “Цөмөөхэй балет”-г Монголын балетын хөгжил сан, НЗДТГ Соёл Урлагийн газартай хамтран үзүүлэхээр бэлдэж байна. Оролцох хүсэлтэй хүүхдүүд Монголын балетын хөгжил сангаас гаргасан бүртгэлийн хуудсыг бөглөн Хөгжим Бүжгийн Коллеж болон тус сангийн хаягаар 11 сарын 19-ны дотор биечлэн авчирч өгнө. Шалгаруулалт арваннэгдүгээр сарын 22, 23-нд 10 цагт Хөгжим бүжгийн Коллеж дээр болно. Бүртгэлийн хуудсыг дараах газруудаас авна.
1. НСУГазрын вэб хуудаснаас бүртгэлийн хуудсаа авч МБХС болон ХБКоллежийн байранд хүлээлгэн өгөх.
2. МБХСангийн байр /Этүгэн төв 1406 тоот 99047043/
3. ХБКоллеж
“Ану хатан” уран сайхны кино Америкийн зах зээлд өнгөрсөн есдүгээр сарын 16-аас зарагдаж эхэлжээ. Уг киноны зохиолыг Б.Шүүдэрцэцэг бичэж, найруулагчаар Т.Алтантуяа ажилласан билээ. “Ану хатан” хоёр цаг 48 минут үргэлжлэдэг бүрэн хэмжээний кино. “Ану хатан” кино өнгөрөгч 2013 оны нэгдүгээр сард нээлтээ хийж байсан билээ. Энэхүү киног бүтээхдээ Мэргэжлийн C-300 камер ашиглан агаараас болон усан доогуур зураг авч, Зуун модны их тулалдааныг ой, ус, их талын гэж гурав хувааж найруулсан нь монголын кино урлагт ахиц дэвшил авчирсан үзэгдэл боллоо гэж мэргэжилтнүүд тухайн үедээ үнэлж байсан юм. “Ану хатан” МУСК “Дайчин хатан” нэртэйгээр АНУ-д борлуулагдаж эхэлжээ. АНУ-д “Lionsgate” компани борлуулах эрхийг нь эзэмшиж байгаа юм байна. Хонгконгийн кино маркетад очиход Монгол Улсаас “Аравт” киног малайзын дистрибьютер авч, “Ану хатан” киног АНУ-ын “Lionsgate” телевизэд худалдсан байна. Уг киног АНУ-д төлбөртэй телевиз, dvd-ээр худалдаалж байгаа аж. DVD-г АНУ-ын дистрибьютер нь дуу оруулалт, зар сурталчилгааг өөрсдөө хийсэн байна. Манай орны хувьд одоогоор “Аравт”, “Ану хатан” уран сайхны кинонууд олон улсын кино худалдаанд гарсан байгаа аж.
“Харанга” хамтлагийнхан Европын улсуудад аялан тоглолт хийхээр болжээ. Тэд өөрсдийн 25 жилийн ойн хүрээнд гадаадад амьдарч байгаа Монголчууддаа ийнхүү бэлэг барихаар болсон байна. Тэд өнөөдөр Европыг зорих юм. Эл тоглолтонд “Харанга”-ынхан шилдэг бүтээлүүдээсээ үзэгчдэдээ хуваалцах бөгөөд тоглолтыг гадаадад амьдарч буй монголчууд зохион байгуулж байгаагаараа онцлог ажээ.
Дашрамд сонирхуулахад тэд эл аялан тоглолтынхоо дараа АНУ-ын таван хотод зочлон тоглох гэнэ.
НЗДТГ-ын дэмжлэгтэйгээр дэлхийн алдарт “Цөмөөхэй” бүжгэн жүжиг ирэх арванхоёрдугаар сард ДБЭТ-ын тайзнаа тоглогдох гэнэ. Уг бүжгэн жүжгийг “Бостон балет” компанийн гоцлооч, гавьяат жүжигчин Д.Алтанхуяг шинэчлэн эх орныхоо тайзнаа амилуулахаар болжээ. Германы зохиолч Е.Т.А.Хоффманы “Самар цөмөгч” буюу “Хулганын хаан” үлгэрээс сэдэвлэсэн энэ бүжгэн жүжгийн хөгжмийг П.И.Чайковский бичсэн бөгөөд 1892 оны арванхоёрдугаар сарын 6-нд ОХУ-ын Марийнский театрт анх үзэгчдийн хүртээл болсон түүхтэй аж.
Нийслэлийн Засаг даргын санаачилга, НЗДТГ-ын дэмжлэгтэйгээр дэлхийн алдарт “Цөмөөхэй” бүжгэн жүжиг ирэх арванхоёрдугаар сард ДБЭТ-ын тайзнаа тоглогдох гэж байна. Энэхүү бүжгэн жүжгийг “Бостон балет” компанийн гоцлооч, гавьяат жүжигчин Д.Алтанхуяг шинэчлэн эх орныхоо тайзнаа амилуулахаар болжээ.
Германы зохиолч Е.Т.А. Хоффманы “Самар цөмөгч” буюу “Хулганын хаан” үлгэрээс сэдэвлэсэн энэ бүжгэн жүжгийн хөгжмийг П.И.Чайковский бичсэн бөгөөд 1892 оны арванхоёрдугаар сарын 06-нд ОХУ-ын Марийнский театрт анх үзэгчдийн хүртээл болсон түүхтэй.
Харин монголчууд 1982 оны тавдугаар сарын 08-нд “Цөмөөхэй”- тэй танилцаж байсан бөгөөд хүүхэд, багачуудын хайрыг татсан энэ бүтээлийг дэлхийн олон театрууд шинэ жилийн баяраар тоглодог уламжлалтай. Манайх ч энэ уламжлалын дагуу тоглодог.
Тэгвэл тус жүжигт тоглох хүүхдүүдийг шалгаруулж авах гэж байгаа бөгөөд энэ талаар Балетын хөгжлийн сангаас маргааш 11.00 цагт НЗДТГ-ын “А” танхимд мэдээлэл хийх юм байна.
Монголын чөлөөт зохиолчдын холбооны гишүүн, яруу найрагч Б.Болдбаатар “Онгод хөглөсөн хийморь” уран бүтээлийн цэнгүүнээ ирэх 18-нд Монгол бөхийн өргөөнд хийхээр болжээ. Тус цэнгүүнд АЖ Мөнхшүр, Чимэдцэеэ, МУГЖ Ж.Одмаа, Н.Төмөрхуяг нарын 20 гаруй уран бүтээлч ая дуугаа өргөхөөс гадна АУЗ П.Бадарч, СГЗ Д.Нямаа нар мялаалга өргөх ажээ.
Дашрамд сонирхуулахад, тус цэнгүүнийг зохион байгуулагчдын зүгээс азтай үзэгч шалгаруулж Хөвсгөл далайд амрах эрхийн бичиг олгох юм байна. – See more at: http://entertainment.time.mn/content/50797.shtml#sthash.iYjJRaYz.dpuf