Нийгэм их стресстэй байна. Түүнийгээ дагаад хүмүүсээс янз бүрийн ааш аяг гарч байна. Өнөөдөр тохиож буй бэрхшээлээ мөнхөд юм шиг бодох нь монголчуудын хамгийн том алдаа болоод байна. Уг нь бол ямарч зовлон бэрхшээл мөнх бус юм. Жаахан л тэвчихэд тэгээд л дуусах бэрхшээлүүд байдаг. Ялангуяа зах зээлийн нийгэмд мөнгөний гачлан том нерв болж байна. Гэтэл хорвоогийн энэ их мөнгөнөөс ямарч хүнд халбагдах хэмжээний буян хишиг заяасан. Зүгээр өмнөх ажлаа л хийсэн шиг хийгээд жаахан тэвчээртэй явчих хэрэгтэй. Нэг их хүч гарахгүй дээ. Бэрхшээлийн өмнө жаахан л шүд зуучих хэрэгтэй. Зовлон бэрхшээл туулсны дараа заавал ч үгүй дардан зам хүлээж байдаг. Амьдрал хүмүүст хүнд бодлого бодуулдаг. Түүнийг бодох албагүй. Боломж ч үгүй. Харин бодохын төлөө чин сэтгэлээсээ чармай. Түүнийг чинь амьдрал үнэлнэ. Ухарч няцах юм бол та доошоо орно. Ерөөс амьдрал гэдэг ажлаа чин сэтгэлээсээ хийж, хичээн чармайж байгаа хүнд л хайртай. Харин аливаад сэтгэл зүрхнээсээ бус, зориг зүрхгүй, халирамхай, эхлээд зовлон бэрхшээлийг ярьдаг хүмүүст амьдрал дургүй юм шигээ. Тийм болохоор туйлбартай, аливаад сэтгэлээсээ ханддаг, ямарч чанга зүйлд тэвчээртэй ханддаг хүний үйлс аяндаа зөв байдаг билээ. Цэцэрхэж байгаа юм бишээ саяны ярьсан бүхний тухай Далай ламын сургаалд тун тодорхой заасан байдаг. Сургаалаас “Жаахан л тэвчиж сур” гэсэн философи нэвт ханхалдаг юм.
Categories
Нийслэл Улаанбаатар хот үүсч байгуулагдсаны түүхт 375 жилийн ой баяр эдгээр өдрүүдэд тохиож байгаа билээ.
Ерөнхий сайдын ахлах зөвлөх Л.Гансүхийг батлан даалтад гаргах эсэхийг өнөөдөр Дүүргийн эрүүгийн хэргийн нэгдүгээр шүүхэд хэлэлцээд түүнийг батлан даалтад гаргах шийдвэрийг гаргажээ. Л.Гансүхийг АТГ-аас эрүүгийн хэрэг үүсгэн баривчлаад багагүй хугацаа өнгөрсөн бөгөөд тэрбээр Цагдан хорих 461 дүгээр ангид арав гаруй хоногийн өмнөөс өлсгөлөн зарлаад байсан юм. 
Монгол Улсын Ерөнхий сайд Н.Алтанхуяг, Нийслэлийн Засаг дарга, Улаанбаатар хотын захирагч, Монгол Улсын баатар Э.Бат-Үүл нар 1976-1981 онуудад МУИС-ийн Физикийн ангийг хамт дүүргэсэн байдаг. Тэгвэл тэдний ангийн андууд Н.Алтанхуяг, Э.Бат-Үүл нарт доорхи захидлыг илгээлээ.
Аргын тооллын 10 дугаар сарын 28, мягмар гариг. Билгийн тооллын 5, гар одтой хар бич өдөр. Өдрийн наран 7 цаг 53 минутад мандаж 17 цаг 59 минутад жаргана. Тухайн өдөр хулгана, луу жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр элдэв үйлд хянуур хандах хэрэгтэй ба ан гөрөө хийх, мал адгуус муулах, сүм дуганыг сэргээх, бүжиг наадам хийх, цэцэрлэг байгуулах, бүтээл туурвил эхлэхэд сайн. Хувцас эсгэх, шинэ хувцас өмсөх, гөлөг тэжээхэд муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод зүүн урагш мөрөө гаргавал зохистой. Үс шинээр үргээлгэх буюу засуулбал эд мал арвидна. 
Нийслэлийн 375 жилийн ойн хүрээнд Нийслэлийн Ахмадын хорооноос “Нийслэлийн тэргүүний өрх-гэр” –ийг шалгаруулж, Засаг даргын Хөдөлмөр эрхлэлт, нийгмийн хамгааллын асуудал хариуцсан орлогч Ц.Буяндалай, нийслэлийн ЗДТГ-ын дарга Ё.Гэрэлчулуун нар тэргүүний өрхүүдэд гэрчилгээ гардууллаа. Тус шалгаруулалтыг жил бүр явуулдаг бөгөөд олон жил ханилсан, үр хүүхдүүд нь эх орныхоо хөгжил цэцэглэлтэд өөрсдийн хувь нэмрийг оруулж, сайн сайхан амьдарч байгаа есөн өрхөд “Нийслэийн тэргүүний өрх гэрийн гэрчилгээ”-г олгодог байна. Нийслэлийн 375 жилийн ойн босгон дээр 2014 оны тэргүүний өрхөөр Чингэлтэй дүүргийн 2 дугаар хорооны иргэн Ц.Батбаяр, Налайх дүүргийн 1 дүгээр хорооны иргэн Д.Дамдинжав, Баянзүрх дүүргийн 6 дугаар хорооны иргэн Д.Жаргал, Сонгинохайрхан дүүргийн 25 дугаар хорооны иргэн Х.Адилбиш, Н.Оюунхүү, Хан-Уул дүүргийн 10 дугаар хорооны иргэн М.Чанцалсүрэн, Баянгол дүүргийн 23 дугаар хорооны иргэн Ц.Очирсүрэн, Баянзүрх дүүргийн 20 дугаар хорооны иргэн Ч.Дамиран, Сүхбаатар дүүргийн 20 дугаар хорооны иргэн Ө.Агийваанчиг нар шалгарчээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
Өчигдөр Украинд парламентын ээлжит бус сонгууль болж өнгөрсөн билээ. Урьдчилсан дүнгээр тус улсын Ерөнхийлөгч П.Порошенкогийн тэргүүлдэг “Блок Петра Порошенко” болон Ерөнхий сайд А.Яцюнекийг “Народный фронт” намууд тэргүүлж явна. Хамгийн сүүлд асан мэдээллээр саналын хуудасны 20 хувийг тоолоход Ерөнхийлөгч П.Порошенкогийн нам 21.55 хувийн санал авсан хэмээн мэдэгдэв. Түүний дараагаар Ерөнхий сайд А.Яценюкийн нам оржээ. Бусад намуудын авсан санал 5 хувьд хүрэхгүй байгаа гэнэ.
Нийслэлийн 375 жилийн ойн босгон дээр нийслэлийн Засаг дарга ховор тохиолдлоор 4 удаа 2 ихэр хүүхэд төрүүлж 8 хүүхэдтэй болсон Сүхбаатар дүүргийн 11 дүгээр хорооны иргэн Д.Энхтөр, Ц.Ундрах нарт орон сууц олгохоор шийдвэрлэсэн. Монгол Улсын Ерөнхийлөгчөөс өгсөн үүргийн дагуу уг шийдвэрийг гаргасан бөгөөд өнөөдөр нийслэлийн Засаг дарга бөгөөд Улаанбаатар хотын Захирагч Э.Бат-Үүл, Нийслэлийн ЗДТГ-ын дарга Ё.Гэрэлчулуун нар Д.Энхтөр, Ц.Ундрах нар орон сууцны түлхүүр, байрны гэрчилгээг гардууллаа. Нийслэлийн Засаг дарга 3 өрөө орон сууцны түлхүүр гардуулахдаа “Төр засгаас хүн амаа нэмэгдүүлэхэд анхаарал хандуулж, олон ажлуудыг хийж хэрэгжүүлж байгаа. Харин байгальд ч ховор онцгой тохилдлоор 4 удаагийн төрөлтөөр 8 хүүхэдтэй болсон та хоёртоо нийслэлчүүдийнхээ нэрийн өмнөөс талархал илэрхийлье. Бид та нарыгаа ая тухтай амьдрахад нь тусалж, нийслэлээс орон сууц олгох шаардлагатай иргэдэд олгодог байрныхаа хамгийн том хэмжээтэй орон сууцыг олгож байна. Үр хүүхдүүдээ эрүүл энх өсгөж, нийслэлийн бүтээн байгуулалтад өндөр хувь нэмэр оруулах иргэд болгоорой” хэмээн онцлон хэлсэн юм. Д.Энхтөрийн гэр бүл өнөөдрөөс эхлэн Сонгинохайрхан дүүргийн 27 дугаар хороо, Чухаг хотхоны 32 А дугаар байрны 12 тоот 81 ам метр талбай бүхий 3 өрөө орон сууцанд амьдарна. Тэрээр “Манай гэр бүлд орон сууц олгосон Нийслэлийн Засаг дарга болон санаачилга гаргасан Монгол Улсын Ерөнхийлөгчид чин сэтгэлийн талархал илэрхийлье” гэсэн юм гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
