Category: спорт

Коронавирусийн халдвараас сэргийлэхийн тулд “Токио 2020” зуны олимпийн наадамд түрүүлсэн тамирчид медалиа өөрсдөө зүүхээр болжээ.

Олимпийн наадам эхлэхэд хэдхэн хоног үлдээд байна. “Токио-2020” зуны олимпийн XXXII наадмын жүдо бөхийн тэмцээн долдугаар сарын 24-өөс 31-ний хооронд явагдана. Монголын Жүдо бөхийн холбооны ерөнхийлөгч Х.Баттулга үндэсний шигшээ багийн тамирчдын бэлтгэлийн явцтай танилцлаа.

Үндэсний шигшээ багийн тамирчид Төв аймгийн Батсүмбэр сум, Баянголын аманд орших “Champions camp” бэлтгэлийн баазад олимпийн бэлтгэлээ базааж байгаа билээ. Шигшээ багийн бүрэлдэхүүнийг дахин танилцуулахад:

Эмэгтэй

• -48кг жинд МУГТ М.Уранцэцэг
• -52кг жинд ОУХМ Л.Сосорбарам
• -57кг жинд МУХБ, МУГТ Д.Сумъяа
• -63кг жинд ОУХМ Б.Ганхайч
• -78кг жинд ОУХМ О.Мөнхцэцэг

Эрэгтэй

• -60кг жинд МУГТ Д.Амартүвшин
• -66кг жинд ОУХМ Ё.Басхүү
• -73кг жинд ОУХМ Ц.Цогтбаатар
• -81кг жинд Саиед Моллай
• -90кг жинд ОУХМ Г.Алтанбагана
• -100кг жинд МУГТ Л.Отгонбаатар
• +100кг жинд МУГТ Ө.Дүүрэнбаяр нарын тамирчид барилдана.

Харин шүүгчээр /IJF/ Олимпийн зэрэглэлийн шүүгч Т.Энхцэцэг оролцохоос гадна холимог багийн тэмцээнд өрсөлдөх юм байна.

Японы Нагоя хотын “Долфинс” ордонд болж буй мэргэжлийн сумо бөхийн Нагоя башёгийн 10 дахь өдөр 69 дэх Их аварга Хакухо М.Даваажаргал, Окиноүми /М-5/-тэй барилдаж, түүнийг ёрикири мэхээр хаяж, 10 даваатай болов.

Өнөөдөр Их аварга Хакухо, Комүсүби Вакатакакаге-тай учраа таарсан байна. Харин Озэки Тэрунофүжи Г.Ган-Эрдэнэ өчигдөр Чиёотайрюү /М-4/-тэй учраа таарч, түүнийг ёрикири мэхээр давж 10 дахь даваагаа авч Их аваргын адил башёг тэргүүлсээр байна. Тэрбээр өнөөдөр Сэкиваке Митакэүми-тэй барилдана.

Ичиножёо /М-2/ А.Ичинноров, энэ өдөр Дайэйшёо /М-1/-той учраа тааран барилдаж, түүнийг цүкиотоши мэхээр давснаар 7 даваа, 3 унаатай боллоо.

Энэ өдөр Хошёорюү/М-5/ С.Бямбасүрэн, Тобизарюү /М-3/-тэй таарч, түүнийг ошидаши мэхээр унагаж 7 даваа, 3 унаатай башёг үргэлжлүүлж явна.

Харин Кирибаяама /М-6/ Б.Лхагвасүрэн, Котоеко /М-4/-тэй учраа тааран барилдаж түүнийг уватэнаге мэхээр хаяж 7 даваа, 3 унаатай яваа бол, энэ өдөр Чёошома /М-7/ Г.Мөнхсайхан, Шиманоүми/М-9/-тэй таарч, түүнийг хикиотоши мэхээр унагаж 6 даваа, 4 унаатай болов.

Энэ өдөр Тамаваши /М-10/ Б.Мөнх-Оргил, Токүшёорюү /М-15/-тэй барилдаж, түүнийг окүридаши мэхээр унагаснаар 7 даваа, 3 унаатай болов.

Озэки Шодай, энэ өдөр Сэкиваке Митакэүми-тэй барилдаж, түүнийг хатакикоми мэхээр давж 6 даваа, 4 унаатай болов.

Энэ сарын 23-нд эхлэх Токиогийн Олимпийн үеэр тамирчид, төлөөлөгчдийг байрлуулах Олимпийн тосгон Японы нийслэл хотод үйл ажиллагаагаа эхлүүллээ гэж наадмыг зохион байгуулах хороо мэдээлэв. Цар тахалтай холбогдуулан энэхүү байгууламжийг нээх ёслолыг зохион байгуулахгүй байхаар болжээ.

Токиогийн булангийн эрэгт 44 га талбай эзлэн орших уг хотхоны 21 барилгад 18 мянга орчим тамирчин, төлөөлөгчид байрлах юм. Тамирчид өөрсдийнх нь оролцох тэмцээн эхлэхээс тав хоногийн өмнө тосгонд ирэх бөгөөд тэмцээнээ дуусгаснаас хойш хоёр хоногийн дотор орхин явах ёстой юм.

Коронавирусийн халдвар тархахаас урьдчилан сэргийлэх үүднээс хотхоны нутаг дэвсгэрт халдварын шинж тэмдэг илэрсэн тамирчдыг шалгах тусдаа эмнэлгийн хэсгүүд 24 цагаар ажиллана. Тамирчид өдөр бүр коронавирусний шинжилгээ өгч, амны хаалт зүүх, хүн хоорондын зай барих журмыг чанд сахих ёстой. Харин согтууруулах ундааг ганцаараа хэрэглэх тохиолдолд өрөөндөө авч орохыг зөвшөөрчээ.

Мэргэжлийн сүмо бөхийн Нагоя башёгийн 10 дахь өдрийн барилдаан болж, Хакухо М.Даваажаргал, Тэрүнофүжи Г.Ган-Эрдэнэ нар давлаа.

Нагоя башёг Хакүхо, Тэрүнофүжи хоёр 10 давж, нэг ч уналгүй тэргүүлж байна.

Тэдний араас долоон даваа, гурван унаатай Котоновака, Ичияамамото нар, долоон даваа, гурван унаатай сэкивакэ Хошорюү С.Бямбасүрэн, Ичиножо А.Ичинноров, Кирибаяамбашёг тэргүүлж байна.

Токиогийн олимпод Монголын 43 тамирчин өрсөлдөх эрхээ аваад буй. Тэгвэл түүхэндээ анх удаа эмэгтэй тамирчид багийн бүрэлдэхүүний дийлэнхийг бүрдүүлжээ.

Тухайлбал, энэ олимпод 25 эмэгтэй, 18 эрэгтэй тамирчин улсаа төлөөлөн өрсөлдөхөөр болоод байна. Эмэгтэй тамирчид Монголын багийн бараг 60 хувийг бүрдүүлсэн юм.

“Токио-2020” олимпын наадамд оролцох үндэсний шигшээ багийн тамирчдад дэмжлэг үзүүлэх зорилгоор Монгол Улсын Ерөнхий сайдын нэрэмжит “Токио олимп сан”-гийн цомыг 21 аймгаар аялуулсан билээ.

Америкийн Үндэсний сагсан бөмбөгийн холбооны 2020-2021 оны улирлын аварга шалгаруулах цуврал үргэлжилж байна.

Аваргын төлөөх цувралын гурав дахь тоглолт “Милуоки Бакс” багийн талбайд болж, талбайн эзэд “Финикс Санс” багийн 120:100 оноо харьцаатайгаар хожиж, анхны хожлоо авлаа.

Тоглолтод “Милуоки Бакс” багийн лидер Яннис Антетокоунмпо 37 минут тоглож, 41 оноо, 13 самбараас бөмбөг авалт, зургаан оновчтой дамжуулалт өгч, сайн тоглолт үзүүлсэн бол “Финикс Санс” багаас Крил Пол 19, Девин Бүүкер 10 оноо авсан юм.

Цувралын дөрөв дэх тоглолт Монголын цагаар долдугаар сарын 14-ний 09:00 цагт “Милуоки Бакс” багийн талбайд болно.